|    May 28 Sun, 2017 10:19 am
FLASH NEWS

എഐവൈഎഫ്, ഡിവൈഎഫ്‌ഐ മാര്‍ച്ചില്‍ സംഘര്‍ഷം

Published : 30th January 2016 | Posted By: SMR

കൊല്ലം: സോളാര്‍ അഴിമതിയില്‍ ആരോപണവിധേയരായ ഉമ്മന്‍ചാണ്ടി സര്‍ക്കാരിന്റെ രാജി ആവശ്യപ്പെട്ട് എഐവൈഎഫ് പ്രവര്‍ത്തകരും ഡിവൈഎഫ്‌ഐ പ്രവര്‍ത്തകരും കൊല്ലം താലൂക്ക് ഓഫിസിലേയ്ക്ക് നടത്തിയ മാര്‍ച്ചുകളില്‍ സംഘര്‍ഷം. മാര്‍ച്ചില്‍ പങ്കെടുത്ത പ്രവര്‍ത്തകര്‍ താലൂക്ക് കച്ചേരിക്ക് മുന്നില്‍ ഉമ്മന്‍ചാണ്ടിയുടെ കോലം കത്തിക്കുകയും റോഡ് ഉപരോധിക്കുകയും ചെയ്തു. സമരം നടത്തിയ പ്രവര്‍ത്തകരെ ബലംപ്രയോഗിച്ച് അറസ്റ്റ് ചെയ്തു നീക്കുവാനുള്ള പോലിസ് നീക്കത്തെ നേതാക്കള്‍ ഇടപെട്ട് തടഞ്ഞത് നേരിയതോതില്‍ സംഘര്‍ഷത്തിന് വഴിയൊരുക്കി. ഡിവൈഎഫ്‌ഐ പ്രവര്‍ത്തകര്‍ താലൂക്ക് ഓഫിസിലേക്ക് തള്ളിക്കയറാന്‍ ശ്രമിച്ചത് പോലിസ് ബാരിക്കേഡ് ഉപയോഗിച്ച് തടഞ്ഞു. ഇത് തകര്‍ക്കാന്‍ ശ്രമം നടന്നതോടെ പോലിസ് ലാത്തി വീശി. കോണ്‍ഗ്രസിന്റെ ഫള്ക്‌സ് ബോര്‍ഡ് ഉള്‍പ്പടെ സമരക്കാര്‍ തകര്‍ക്കു. എ ഐവൈഎഫിന്റെ മാര്‍ച്ച് സംസ്ഥാന വൈസ് പ്രസിഡന്റ് അഡ്വ. ആര്‍ സജിലാല്‍ ഉദ്ഘാടനം ചെയ്തു.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day