|    Dec 11 Mon, 2017 9:43 am
FLASH NEWS
Home   >  Todays Paper  >  page 10  >  

എഎംഎഐ സംസ്ഥാന കൗണ്‍സില്‍ നാളെ ആലുവയില്‍

Published : 2nd January 2016 | Posted By: SMR

കൊച്ചി: ആയുര്‍വേദ മെഡിക്കല്‍ അസോസിയേഷന്‍ ഓഫ് ഇന്ത്യ (എഎംഎഐ) സംസ്ഥാന കൗണ്‍സില്‍ നാളെ ആലുവ വൈഎംസിഎ ഹാളില്‍ നടക്കും. രാവിലെ 10നു മന്ത്രി വി കെ ഇബ്രാഹീംകുഞ്ഞ് കൗണ്‍സില്‍ ഉദ്ഘാടനം ചെയ്യും. സംസ്ഥാനത്തെ പൊതുജനാരോഗ്യരംഗത്തു നടത്തേണ്ട ഇടപെടലുകളെക്കുറിച്ചാണ് വാര്‍ഷിക കൗണ്‍സില്‍ ചര്‍ച്ച നടത്തുകയെന്ന് പ്രസിഡന്റ് ജി വിനോദ്കുമാര്‍ വാര്‍ത്താസമ്മേളനത്തില്‍ പറഞ്ഞു.
ജീവിതശൈലീരോഗങ്ങളുടെ പ്രതിരോധത്തിന് ആയുര്‍വേദ ചികില്‍സകളും ചര്യകളും ഉപയോഗപ്പെടുത്തി പുതിയ കര്‍മപദ്ധതി സമ്മേളനത്തില്‍ ആവിഷ്‌കരിക്കുമെന്ന് ജനറല്‍ കണ്‍വീനര്‍ ഡോ. ദേവിദാസ് വെള്ളോടി പറഞ്ഞു. സമ്മേളനത്തോടനുബന്ധിച്ച് 2015ലെ എഎംഎഐ അവാര്‍ഡുകളും വിതരണംചെയ്യും. സമഗ്ര സംഭാവനയ്ക്കുള്ള ഭിഷക്‌രത്‌ന പുരസ്‌കാരം തൊടുപുഴയില്‍നിന്നുള്ള ഡോ. സി ഡി സഹദേവനു നല്‍കും.
ആയുര്‍വേദ പ്രചാരക പുരസ്‌കാരം തിരുവനന്തപുരത്തുനിന്നുള്ള ഡോ. കെ ജ്യോതിലാലിനും ആര്യ ഔഷധി ഭിഷക് പ്രവീണ്‍ പുരസ്‌കാരം പാലക്കാട്ടുനിന്നുള്ള ഡോ. ഹുറയാര്‍കുട്ടിക്കും ലെഡന്‍ഡ് ഭിഷക് പ്രതിഭ പുരസ്‌കാരം പത്തനംതിട്ടയിലെ ഡോ. വഹീദ റഹ്മാനും യങ് സയന്റിസ്റ്റ് അവാര്‍ഡ് തൃശൂര്‍ സ്വദേശി ഡോ. ദേവി ആര്‍ നായര്‍ക്കും നല്‍കും.

വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക