|    Feb 21 Wed, 2018 6:52 pm
FLASH NEWS
Home   >  Todays Paper  >  Page 1  >  

എം പി വീരേന്ദ്രകുമാര്‍ രാജ്യസഭാംഗത്വം രാജിവച്ചു

Published : 21st December 2017 | Posted By: kasim kzm

ന്യൂഡല്‍ഹി: ജനതാദള്‍-യു സംസ്ഥാന അധ്യക്ഷന്‍ എം പി വീരേന്ദ്രകുമാര്‍ രാജ്യസഭാംഗത്വം രാജിവച്ചു. ഇന്നലെ രാവിലെ അദ്ദേഹം രാജിക്കത്ത് രാജ്യസഭാ അധ്യക്ഷന്‍ കൂടിയായ ഉപരാഷ്ട്രപതി എം വെങ്കയ്യ നായിഡുവിനു കൈമാറി. കേരളത്തിലെ യുഡിഎഫ് അംഗങ്ങളുടെ പിന്തുണയോടെ ജെഡിയു പ്രതിനിധിയായാണ് വീരേന്ദ്രകുമാര്‍ രാജ്യസഭാംഗമായത്. എന്നാല്‍, പാര്‍ട്ടി ദേശീയ അധ്യക്ഷനും ബിഹാര്‍ മുഖ്യമന്ത്രിയുമായ നിതീഷ് കുമാര്‍ ബിജെപിക്കൊപ്പം ചേര്‍ന്നതോടെയാണ് വീരേന്ദ്രകുമാര്‍ പ്രതിസന്ധിയിലായത്. ബിജെപിയുടെ ഭാഗമായി എംപിയായി തുടരില്ലെന്ന നിലപാടിന്റെ ഭാഗമായാണ് സ്ഥാനം രാജിവച്ചത്. നിയമപരമായി നിതീഷ് കുമാറിന്റെ പാര്‍ട്ടിയുടെ അംഗമായി രാജ്യസഭയില്‍ ഇരിക്കേണ്ടിവരുന്നതിനാലാണ് താന്‍ രാജിവയ്ക്കുന്നതെന്ന് രാജിക്കത്ത് കൈമാറിയതിനു ശേഷം ഡല്‍ഹിയില്‍ വിളിച്ചുചേര്‍ത്ത വാര്‍ത്താസമ്മേളനത്തില്‍ അദ്ദേഹം പറഞ്ഞു. പുതിയ പാര്‍ട്ടി രൂപീകരിക്കണോ എന്നു തീരുമാനിക്കാന്‍ കേരള ഘടകം തന്നെ ചുമതലപ്പെടുത്തിയിട്ടുണ്ട്. അനിശ്ചിതത്വം കൂടുതല്‍ കാലം തുടരില്ലെന്നും അദ്ദേഹം പറഞ്ഞു.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss