|    Jan 20 Fri, 2017 9:32 am
FLASH NEWS

ഉ. കൊറിയക്കെതിരേ ഹാക്കിങ് ആരോപണവുമായി ദ. കൊറിയ

Published : 9th March 2016 | Posted By: SMR

സിയോള്‍: രാജ്യത്തെ നിരവധി ഉന്നത ഉദ്യോഗസ്ഥരുടെ സ്മാര്‍ട്ട് ഫോണുകള്‍ ഉത്തര കൊറിയ ഹാക്ക് ചെയ്തതായി ദക്ഷിണ കൊറിയന്‍ ചാരസംഘടന ആരോപിച്ചു. നാലാമത്തെ ആണവ പരീക്ഷണത്തിനു പിന്നാലെ ആരംഭിച്ച സൈബര്‍ ആക്രമണ പരമ്പരയിലെ അവസാനത്തേതാണ് ഇതെന്നും നാഷനല്‍ ഇന്റലിജന്‍സ് സര്‍വീസ് (എന്‍ഐഎസ്) വ്യക്തമാക്കി.
ചാര ഏജന്‍സിക്ക് വന്‍ അധികാരം നല്‍കുന്ന സൈബര്‍ തീവ്രവാദത്തിനെതിരേയുള്ള നിയമം പാര്‍ലമെന്റ് പാസാക്കാനിരിക്കെയാണ് ആരോപണം. നിയമം ചാര ഏജന്‍സിക്ക് സൈബര്‍ ഇടങ്ങളില്‍ കൂടുതല്‍ അധികാരം നല്‍കുന്നതാണെന്നു വിമര്‍ശകര്‍ ആരോപിക്കുന്നുണ്ട്.
ഫെബ്രുവരി അവസാനത്തിലാണ് ഇത്തരം പ്രവര്‍ത്തനങ്ങള്‍ നടത്തിയതെന്നും സംഘം ആരോപിച്ചു. ഇന്റര്‍നെറ്റ് ബാങ്കിങിന് സുരക്ഷാ സോഫ്റ്റ്‌വെയറുകള്‍ നല്‍കുന്നതില്‍ നിപുണരായ പ്രമുഖ സോഫ്റ്റ്‌വെയര്‍ കമ്പനിയുടെ സര്‍വറും ആക്രമിക്കപ്പെട്ടതായി ഏജന്‍സി ആരോപിച്ചു.

Share on FacebookShare on Google+Tweet about this on TwitterShare on LinkedIn
(Visited 61 times, 1 visits today)
                     
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക