|    Jul 28 Fri, 2017 10:32 pm
FLASH NEWS

ഉല്‍സവത്തിന് കൊണ്ടുവന്ന ആന ഇടഞ്ഞു

Published : 4th April 2016 | Posted By: SMR

അടൂര്‍: കടമ്പനാട് ഭഗവതി-ധര്‍മശാസ്താ ക്ഷേത്രത്തില്‍ ഉല്‍സവത്തിന് കൊണ്ടുവന്ന ആന ഇടഞ്ഞു. ഇന്നലെ രാത്രി എട്ടിനാണ് സംഭവം. അമ്പലത്തിനു സമീപത്തു നിന്ന ആന ഇടഞ്ഞ് ഓടി ക്ഷേത്രമതില്‍ തകര്‍ത്ത് സമീപത്തെ റബര്‍ തോട്ടത്തില്‍ നിലയുറപ്പിച്ചു.
ആനയെ അനുനയിപ്പിക്കാന്‍ ശ്രമിച്ച പാപ്പാന് ആനയുടെ ആക്രമണത്തില്‍ പരിക്കേറ്റു. ആനന്ദപ്പള്ളി സ്വദേശി സജീവ(28)നാണ് പരിക്കേറ്റത്. ഇയാളെ അടൂര്‍ ജനറല്‍ ആശുപത്രിയില്‍ പ്രഥമശുശ്രൂഷ നല്‍കിയ ശേഷം തിരുവനന്തപുരം മെഡിക്കല്‍ കോളജിലേക്ക് കൊണ്ടുപോയി. നെറ്റിപ്പട്ടം കെട്ടിയ ആനയുടെ പുറത്ത് ഈ സമയം രണ്ടുപേരുണ്ടായിരുന്നു. വിവരമറിഞ്ഞ് ഏനാത്ത് പോലിസും എലിഫന്റ് സ്‌ക്വാഡും സ്ഥലത്ത് എത്തിയിരുന്നു.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക