|    Jan 21 Sat, 2017 3:44 am
FLASH NEWS

ഉറക്കം വിട്ടുമാറാതെ കലോല്‍സവ വേദി

Published : 13th March 2016 | Posted By: SMR

തൊടുപുഴ: കൗമാരകലാമേളയുടെ മൂന്നാം ദിനത്തില്‍ മത്സരച്ചൂടിന് കുറവില്ല. രണ്ടാം ദിനത്തിലെ ഉറക്കം വിട്ടു മാറാതെയാണ് മൂന്നാം ദിനത്തിലും കലോത്സവവേദി ഉണര്‍ന്നത്.രണ്ടാം ദിനത്തിലെ മത്സരങ്ങള്‍ ഇന്നലെ രാവിലെ 8നാണ് അവസാനിച്ചത്.കുറച്ചു നേരം പോലും ഉറങ്ങാന്‍ സമയം കിട്ടാതെപോയവരാണ് ഇന്നലെയും മത്സരങ്ങളില്‍ പങ്കെടുക്കാനെത്തിയത്.വെള്ളിയാഴ്ച വൈകുന്നേരം ആരംഭിച്ച മിമിക്രി മത്സരം സമാപിച്ചത് ഇന്നലെ പുലര്‍ച്ചെ രണ്ടിനാണ്.അതിനും ശേഷമാണ് സ്‌കിറ്റ് മത്സരങ്ങള്‍ നടന്നത്.രാവിലെ എട്ടിന് ശേഷമാണ് മത്സരങ്ങള്‍ സമാപിച്ചത്.സംഘാടനത്തില്‍ അതീവ ശ്രദ്ധപുലര്‍ത്താന്‍ സംഘാടകര്‍ ശ്രമിക്കുന്നുണ്ടെങ്കിലും താളപ്പിഴകള്‍ പലയിടത്തും നിഴലിച്ചു.കലോത്സവം ഒരു കാംപസിനുള്ളില്‍ തന്നെ സംഘടിപ്പിക്കാനായെങ്കിലും വിവിധ വേദികളിലേക്കെത്താന്‍ മത്സരാര്‍ഥികളില്‍ പലരും വിഷമിച്ചു.പ്രധാന വഴികളിലെങ്കിലും ദിശാബോര്‍ഡുകളോ സൂചനാമാര്‍ഗങ്ങളോ സ്ഥാപിച്ചിരുന്നെങ്കില്‍ മത്സരാര്‍ഥികള്‍ക്കും രക്ഷകര്‍ത്താക്കള്‍ക്കും ഉണ്ടാകുന്ന ബുദ്ധിമുട്ടുകളും പരിഹരിക്കാന്‍ കഴിയുമായിരുന്നു.കലോത്സവം ആദ്യമായാണ് ജില്ലയിലെത്തുന്നുതെങ്കിലും നാട്ടുകാരായ ആസ്വാദകരുടെ വലിയ കുറവുണ്ടായി.കനത്ത ചൂടും രാത്രിയില്‍ നന്നായി ഉറങ്ങാന്‍ കഴിയാത്തതുമൊക്കെ മത്സരാര്‍ഥികളെ ശാരീരികമായി ക്ഷീണിതരാക്കിയിരുന്നെങ്കിലും മത്സരച്ചൂടിന് കുറവൊന്നുമുണ്ടായില്ല.അല്‍ അസ്ഹര്‍ കാംപസിലെ എട്ടു വേദികളിലായി നടക്കുന്ന കലോത്സവം നാളെ കൊടിയിറങ്ങും.

Share on FacebookShare on Google+Tweet about this on TwitterShare on LinkedIn
(Visited 49 times, 1 visits today)
                     
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക