|    Oct 19 Thu, 2017 7:23 am
FLASH NEWS
Home   >  Todays Paper  >  page 9  >  

ഉപരോധ നീക്കം : യുഎസിനെതിരേ മുന്നറിയിപ്പുമായി ഇറാന്‍

Published : 9th October 2017 | Posted By: fsq

 

തെഹ്‌റാന്‍: യുഎസിന്റെ ഉപരോധ നീക്കങ്ങള്‍ക്കെതിരേ മുന്നറിയിപ്പുമായി ഇറാന്‍. ഇറാന്‍ റവല്യൂഷനറി ഗാര്‍ഡുകളെ ഭീകര പട്ടികയിലുള്‍പ്പെടുത്താന്‍ യുഎസ് ശ്രമിക്കുന്നതായുള്ള അഭ്യൂഹത്തിനിടെയാണ് മുന്നറിയിപ്പ്. ഇറാന്റെ മിസൈല്‍ പരീക്ഷണങ്ങള്‍ക്കും സായുധ സംഘടനകളെ പിന്തുണക്കുന്നതിനുമെതിരേ നടപടിയുണ്ടാവുമെന്ന് യുഎസ് പ്രസിഡന്റ് ഡോണള്‍ഡ് ട്രംപ് പ്രഖ്യാപിച്ചിരുന്നു. ഉപരോധ നീക്കവുമായി മുന്നോട്ടുപോയാല്‍ മേഖലയിലെ യുഎസ് സൈനിക കേന്ദ്രങ്ങള്‍ ഇറാന്‍ മിസൈലുകളുടെ 2,000 കിലോമീറ്റര്‍ ദൂരപരിധിക്ക് പുറത്തേക്കു മാറ്റേണ്ടിവരുമെന്ന് റവല്യൂഷനറി ഗാര്‍ഡ്‌സ് കമാന്‍ഡര്‍ മുഹമ്മദ് അലി ജാഫരി പറഞ്ഞു. ഭാവിയില്‍ യുഎസുമായുള്ള ചര്‍ച്ചകള്‍ക്കുള്ള സാധ്യത ഇല്ലാതാവാന്‍ ഉപരോധങ്ങള്‍ കാരണമാവും. റവല്യൂഷനറി ഗാര്‍ഡ്‌സിനെ യുഎസ് ഭീകര സംഘടനയായി കാണുകയാണെങ്കില്‍ അമേരിക്കന്‍ സൈന്യത്തെ ഇസ്‌ലാമിക് സ്റ്റേറ്റിനെപ്പോലെ കാണേണ്ടിവരുമെന്നും ജാഫരി അഭിപ്രായപ്പെട്ടു.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക