|    Oct 22 Sun, 2017 10:16 am
Home   >  Todays Paper  >  page 9  >  

ഉപരോധത്തിലുള്ള സിറിയന്‍ നഗരങ്ങളിലേക്ക് സഹായമെത്തിക്കാന്‍ ധാരണ

Published : 11th January 2016 | Posted By: SMR

ദമസ്‌കസ്: ആയിരങ്ങള്‍ പട്ടിണിമരണത്തിന്റെ വക്കില്‍ നില്‍ക്കുന്ന ഉപരോധത്തിലുള്ള സിറിയന്‍ നഗരങ്ങളിലേക്ക് ഭക്ഷണവും മറ്റ് അവശ്യവസ്തുക്കളും എത്തിക്കാന്‍ ധാരണയായി. ധാരണപ്രകാരം ലെബനീസ് അതിര്‍ത്തിയിലെ പ്രതിപക്ഷ നിയന്ത്രണത്തിലുള്ള മദായ നഗരത്തിലും വിമതര്‍ ഉപരോധിക്കുന്ന വടക്കുകിഴക്കന്‍ പ്രവിശ്യയായ ഇദ്‌ലിബിലെ രണ്ടു ഗ്രാമങ്ങളിലും സഹായമെത്തിക്കും. സഹായ സാമഗ്രികള്‍ വഹിച്ചുള്ള വാഹനങ്ങള്‍ തിങ്കളാഴ്ച മേഖലകളിലെത്തുമെന്ന് യുഎന്‍ വ്യക്തമാക്കി.
സിറിയയിലെ മദായ നഗരത്തില്‍ നാല്‍പ്പതോളം പേര്‍ ഭക്ഷണം കിട്ടാതെ മരിച്ചതായി റെഡ്‌ക്രോസ് ഉള്‍പ്പെടെയുള്ള സന്നദ്ധസംഘടനകള്‍ മുന്നറിയിപ്പ് നല്‍കിയിരുന്നു. ഇലകളും പുല്ലുകളും പിഴിഞ്ഞു ചാറെടുത്തുകഴിച്ചാണ് പലരും ജീവന്‍ നിലനിര്‍ത്തുന്നത്. ചിലര്‍ പൂച്ചയെയും മറ്റു വളര്‍ത്തുമൃഗങ്ങളെയും കൊന്നു വിശപ്പുമാറ്റുന്നു. യുഎന്‍ സഹായം എത്തിക്കാന്‍ വിവിധ സംഘടനകള്‍ ശ്രമം നടത്തുന്നുണ്ട്. സബദാനി, ഫോഹ്, കെഫ്രയ എന്നീ സമീപനഗരങ്ങളും പട്ടിണിയിലാണ്.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക