|    Jun 21 Thu, 2018 12:57 am
FLASH NEWS

ഉപരാഷ്ട്രപതി വെങ്കയ്യനായിഡു ഇന്ന് ഗുരുവായൂരില്‍

Published : 21st May 2018 | Posted By: kasim kzm

ഗുരുവായൂര്‍:ഗുരുവായൂര്‍ ക്ഷേത്രദര്‍ശനത്തിനും അഷ്ടപദിയാട്ടം ഉദ്ഘാടനത്തിനുമായി ഇന്ത്യന്‍ ഉപരാഷ്ട്രപതി വെങ്കയ്യാനായിഡു ഇന്ന് ഗുരുവായൂരിലെത്തും. ഉച്ചക്ക് 12-ന് ശ്രീകൃഷ്ണാകോളജില്‍ ഹെലികോപ്ടറില്‍ എത്തുന്ന ഉപരാഷ്ട്രപതി, കാര്‍മാര്‍ഗ്ഗം ഗുരുവായൂര്‍ ദേവസ്വം ശ്രീവല്‍സം ഗസ്റ്റ്ഹൗസിലെത്തും.
ക്ഷേത്രദര്‍ശനവും ഉദ്ഘാടനവും കഴിഞ്ഞ് വൈകീട്ടോടെ ഉപരാഷ്ട്രപതി മടങ്ങും. ഉച്ചപൂജ നടതുറന്ന് ഒരുമണിയോടെ ക്ഷേത്രദര്‍ശനം നടത്തി ഉച്ചയൂണിനും വിശ്രമത്തിനും ശേഷം ഉച്ചക്ക് 3.30-ന് ഗുരുവായൂര്‍ ദേവസ്വം പൂന്താനം ഓഡിറ്റോറിയത്തില്‍ നടക്കുന്ന അഷ്ടപദിയാട്ടം ഉദ്ഘാടനം നിര്‍വ്വഹിക്കും.
ഇന്ത്യന്‍ ഉപരാഷ്ട്രപതിയുടെ ഗുരുവായൂര്‍ ക്ഷേത്രദര്‍ശനത്തിന്റെ ഭാഗമായി ഗുരുവായൂരിലും പരിസരത്തും വന്‍സുരക്ഷാ ക്രമീകരണങ്ങള്‍ ഏര്‍പ്പെ
ടുത്തി. രണ്ടുദിവസമായി ബോംബുസ്‌ക്വാഡും ഡോഗ് സ്‌ക്വാഡും ഗുരുവായൂരില്‍ അരിച്ചുപെറുക്കിയാണ് പരിശോധന തുടരുന്നത്. തൃശ്ശൂര്‍ റേഞ്ച് ഐ.ജി: എംആര്‍ അജിത്കുമാറിന്റെ നേതൃത്വത്തില്‍ തൃശ്ശൂര്‍, മലപ്പുറം, പാലക്കാട് ജില്ലകളിലെ പോലിസ് മേധാവികളും രണ്ടായിരത്തോളം പോലിസിനേയുമാണ് ഗുരുവായൂരും പരിസരപ്രദേശത്തും വിന്യസിപ്പിച്ചിരിക്കുന്നത്. ഇന്നലെ ഉച്ചയോടെ ശ്രീകൃഷ്ണാകോളജ് ഗ്രൗണ്ടില്‍ നിന്നും ശ്രീവല്‍സം ഗസ്റ്റ്ഹൗസിലേക്ക് കാര്‍ ട്രൈലിങ്ങും നടന്നു.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss