|    Aug 18 Sat, 2018 11:44 am
Home   >  Todays Paper  >  page 7  >  

ഉപഭോക്താക്കള്‍ക്ക് വന്‍ ആനുകൂല്യങ്ങളുമായി കാര്‍ കമ്പനികള്‍

Published : 16th June 2017 | Posted By: fsq

 

ന്യൂഡല്‍ഹി: ചരക്കുസേവന നികുതി (ജിഎസ്ടി) പ്രാബല്യത്തില്‍ വരുന്നതോടെ വാഹനങ്ങളുടെ വില കുറയുന്നതും കാത്തിരിക്കുന്ന ഉപഭോക്താക്കളിലേക്ക് വമ്പന്‍ ആനുകൂല്യങ്ങളുമായി കാര്‍ കമ്പനികള്‍. 2.5 ലക്ഷം രൂപ വരെയാണു കമ്പനികള്‍ കിഴിവ് പ്രഖ്യാപിച്ചിരിക്കുന്നത്. മാരുതി സുസുക്കി, ഹ്യുണ്ടായ്, ഹോണ്ട, നിസാന്‍, മഹീന്ദ്ര ആന്റ് മഹീന്ദ്ര തുടങ്ങിയ കമ്പനികളെല്ലാം തന്നെ ഈമാസം മുഴുവനായി നീളുന്ന ആനുകൂല്യങ്ങള്‍ പ്രഖ്യാപിച്ചിട്ടുണ്ട്. രാജ്യത്തെ ഏറ്റവും വലിയ കാര്‍ നിര്‍മാതാക്കളായ മാരുതി സുസുക്കി 25,000-35,000 വരെയാണു വാഹനങ്ങള്‍ക്കു കിഴിവ് പ്രഖ്യാപിച്ചിരിക്കുന്നത്. മാരുതി സുസുക്കി ഏറ്റവും മികച്ച ആനുകൂല്യം പ്രഖ്യാപിച്ചിരിക്കുന്നത് ഇപ്പോള്‍ പുറത്തിറക്കിയ ഹാച്ച്ബാക്ക് ആള്‍ട്ടോയ്ക്കാണ്. മഹീന്ദ്ര ആന്റ് മഹീന്ദ്ര 27,000 മുതല്‍ 90,000 വരെയും ഹ്യുണ്ടായ് 25,000 മുതല്‍ 2.5 ലക്ഷം വരെയുമാണ് ഡിസ്‌കൗണ്ട് പ്രഖ്യാപിച്ചത്. മോട്ടോര്‍ സൈക്കിളുകളിലും ബജാജ് പോലുള്ള കമ്പനികള്‍ ആനുകൂല്യങ്ങള്‍ പ്രഖ്യാപിച്ചു. ജിഎസ്ടി നടപ്പാവുന്നതോടെ വാഹനങ്ങളുടെ വില കുറയുമെന്നതിനാലാണ് അതിനു മുമ്പേ ആനുകൂല്യങ്ങള്‍ പ്രഖ്യാപിച്ചിരിക്കുന്നത്.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss