|    Nov 21 Tue, 2017 10:18 am
FLASH NEWS

ഉദ്ഘാടനം കഴിഞ്ഞിട്ട് 21 മാസം : ആശുപത്രി ബ്ലോക്ക് കെട്ടിടം പ്രവര്‍ത്തനം തുടങ്ങിയില്ല

Published : 10th November 2017 | Posted By: fsq

 

ഇരിക്കൂര്‍: ഇരിക്കൂര്‍ ഗവ. സാമൂഹികാരോഗ്യ കേന്ദ്രത്തിന് സൗകര്യമൊരുക്കുന്നതിന്റെ ഭാഗമായി നിര്‍മിച്ച പുതിയ ബ്ലോക്കിന്റെ ഉദ്ഘാടനം കഴിഞ്ഞിട്ട് 21 മാസമായിട്ടും ഇതുവരെ പ്രവര്‍ത്തനക്ഷമമായില്ല. 2016 ഫെബ്രുവരിയിലാണ് പുതിയ ബ്ലോക്ക് കെട്ടിടം അന്നത്തെ മന്ത്രി കെ സി ജോസഫ് ഉദ്ഘാടനം ചെയ്തത്. ഇവിടെയുണ്ടായിരുന്ന പഴയ കെട്ടിടം പൊളിച്ചുമാറ്റി 50 ലക്ഷം രൂപ ചെലവിലാണ് പുതിയ കെട്ടിടത്തിന്റെ പണി പൂര്‍ത്തിയാക്കിയത്. കിടത്തിച്ചികില്‍സയുള്ള ഇരിക്കൂര്‍ ഗവ. സിഎച്ച്‌സിയില്‍ ദിനേന നൂറുകണക്കിന് രോഗികളാണ് എത്തുന്നത്. നിലവിലുള്ള കെട്ടിടങ്ങള്‍ അപര്യാപ്തമായിട്ടും രോഗികളുടെ തിരക്ക് വര്‍ധിച്ചിട്ടും പുതിയ കെട്ടിടം അടഞ്ഞുകിടക്കുകയാണ്. ഇരിക്കൂര്‍ സിഎച്ച്‌സി താലൂക്ക് ആശുപത്രിയാക്കി ഉയര്‍ത്തുന്ന പ്രഖ്യാപനവും നടപ്പാക്കാതെ കടലാസില്‍ ഒതുങ്ങി.

വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക