|    Jan 24 Tue, 2017 10:47 pm
FLASH NEWS

ഉദയംപേരൂര്‍ ഐഒസി പ്ലാന്റ്: സമരം പിന്‍വലിച്ചു

Published : 28th February 2016 | Posted By: SMR

തൃപ്പൂണിത്തുറ: ഐഒസി ഉദയംപേരൂര്‍ പ്ലാന്റിലെ ബുധനാഴ്ച ഉച്ചയോടെ ആരംഭിച്ച അപ്രഖ്യാപിത സമരം ഇന്നലെ രാവിലെയോടെ അവസാനിച്ചു. ഇന്നലെ രാവിലെ തന്നെ എല്ലാ തൊഴിലാളികളും ജോലിക്ക് കയറിയതോടെ പ്ലാന്റിന്റെ പ്രവര്‍ത്തനം പൂര്‍ണമായും പുനരാംരംഭിച്ചു.
ബുധനാഴ്ച ഉച്ചയ്ക്കു ശേഷം ഒരു വിഭാഗം കരാര്‍ തൊഴിലാളികള്‍ അപ്രഖ്യാപിതമായി പണിമുടക്കി. ഇതില്‍ പ്രതിഷേധിച്ച് ലോറി തൊഴിലാളികള്‍ പണിമുടക്കിയതും ലോഡിങ്ങിനായി പ്ലാന്റിനകത്ത് പ്രവര്‍ത്തിക്കുന്ന കണ്‍വെയറിന്റെ നിയന്ത്രണം ഏറ്റെടുക്കാന്‍ തൊഴിലാളികള്‍ വിസമ്മതിച്ചതുമാണ് മൂന്ന് ദിവസത്തോളം പ്ലാന്റിന്റെ പ്രവര്‍ത്തനം നിലയ്ക്കാന്‍ കാരണമായത്. സമരം അവസാനിപ്പിച്ചില്ലെങ്കില്‍ കോട്ടയം, എറണാകുളം ജില്ലകളിലെ ഗ്യാസ് ഏജന്‍സികള്‍ തിങ്കളാഴ്ച മുതല്‍ അടച്ചിടുമെന്ന് പ്രഖ്യാപിച്ചിരുന്നു. തുടര്‍ന്ന് വീണ്ടും ഇന്നലെ രാവിലെ നടന്ന ചര്‍ച്ചകള്‍ക്ക് ശേഷം തൊഴിലാളികള്‍ ജോലിക്കു കയറുകയായിരുന്നു. മൂന്നാഴ്ചയിലധികം പ്ലാന്റിന്റെ പ്രവര്‍ത്തനം നിലയ്ക്കാന്‍ കാരണം മാനേജ്‌മെന്റിന്റെ പിടിപ്പുകേടാണെന്നും ആക്ഷേപമുണ്ട്.
ഈ മാസം ആദ്യവാരം ആരംഭിച്ച മെല്ലെപ്പോക്ക് സമരം ജില്ലാ കലക്ടറുടെ സാന്നിധ്യത്തില്‍ ഉണ്ടാക്കിയ ഒത്തുതീര്‍പ്പ് വ്യവസ്ഥ പ്രകാരമാണ് അവസാനിപ്പിച്ചത്. തൊഴിലാളികളുടെ ആവശ്യങ്ങള്‍ അംഗീകരിച്ച് 15 ദിവസത്തിനകം പരിഹാരം കാണാന്‍ മാനേജ്‌മെന്റിനും കരാറുകാര്‍ക്കും കലക്ടര്‍ നിര്‍ദേശം നല്‍കിയിരുന്നു. ഇത് സംബന്ധിച്ചുള്ള ചര്‍ച്ചകള്‍ നടന്ന് കൊണ്ടിരിക്കുകയാണെന്നും ഉടന്‍ പരിഹാരം കാണുമെന്നാണ് പ്രതീക്ഷയെന്നും യൂനിയന്‍ നേതാവ് ടി കെ പ്രസാദ് പറഞ്ഞു.

Share on FacebookShare on Google+Tweet about this on TwitterShare on LinkedIn
(Visited 54 times, 1 visits today)
                     
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക