|    May 29 Mon, 2017 4:06 am
FLASH NEWS

ഉത്തര കൊറിയ വീണ്ടും ആണവപരീക്ഷണത്തിനു തയ്യാറെടുക്കുന്നു

Published : 18th April 2016 | Posted By: SMR

സോള്‍: ഉത്തര കൊറിയ അഞ്ചാമത് അണ്വായുധ പരീക്ഷണത്തിന് തയ്യാറെടുക്കുന്നതായി റിപോര്‍ട്ട്. നാലു തവണ അണ്വായുധ പരീക്ഷണങ്ങള്‍ വിജയകരമായി നടത്തിയെന്നവകാശപ്പെടുന്ന ഉത്തര കൊറിയയുടെ അന്തിമഘട്ടപരീക്ഷണമായിരിക്കുമിതെന്നാണ് സൂചന. പരീക്ഷണം മെയ് മാസത്തിനു മുമ്പുണ്ടാകുമെന്നു കരുതുന്നതായി ദക്ഷിണകൊറിയന്‍ മാധ്യമങ്ങള്‍ റിപോര്‍ട്ട് ചെയ്തു.
കഴിഞ്ഞമാസം മുതല്‍ പുഗ്ഗിയേരി പരീക്ഷണ കേന്ദ്രത്തിലേക്കെത്തുന്ന വാഹനങ്ങളുടേയും ജോലിക്കാരുടേയും എണ്ണം മൂന്നു മടങ്ങായി വര്‍ധിച്ചതാണ് ഊഹാപോഹങ്ങള്‍ക്കു കാരണം. കേന്ദ്രത്തിനകത്തേക്കും പുറത്തേക്കുമുള്ള വാഹനങ്ങളുടെ പ്രവാഹം അണ്വായുധ വിദഗ്ധരെയും ഇന്ധനങ്ങളും കടത്തുന്നതിനായാണെന്ന് നിരീക്ഷകര്‍ വിലയിരുത്തുന്നു. മിസൈലുകളും മിസൈല്‍ എന്‍ജിനുകളും ഉപഗ്രഹങ്ങളും വിജയകരമായി പരീക്ഷിച്ചതായി ഉത്തരകൊറിയ അവകാശപ്പെട്ടിരുന്നു.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day