|    Aug 20 Sun, 2017 12:05 am
FLASH NEWS
Home   >  Todays Paper  >  page 9  >  

ഉത്തര കൊറിയയെ ലക്ഷ്യംവച്ച് ജപ്പാന്റെ സംയുക്ത സൈനിക അഭ്യാസം

Published : 2nd June 2017 | Posted By: fsq

 

ടോക്കിയോ: ഉത്തര കൊറിയയെ ലക്ഷ്യംവച്ച് ജപ്പാന്‍ വ്യോമ- നാവിക സേനകള്‍ ത്രിദിന സംയുക്ത സൈനിക അഭ്യാസം ആരംഭിച്ചു. ആണവ, മിസൈല്‍ പരീക്ഷണങ്ങള്‍ തുടരുന്ന വടക്കന്‍ കൊറിയക്കു മേല്‍ സമ്മര്‍ദം ചെലുത്താന്‍ ലക്ഷ്യമിട്ടാണ് ജപ്പാന്‍ കടലിലെ രണ്ട് യുഎസ് വിമാനവാഹിനി കപ്പലുകളെക്കൂടി ഉള്‍പ്പെടുത്തി സൈനികാഭ്യാസം ആരംഭിച്ചത്. ജപ്പാന്‍ സമുദ്ര പ്രതിരോധ സേനയുടെ ഹെലികോപ്റ്റര്‍ വഹിക്കാന്‍ ശേഷിയുള്ളതടക്കമുള്ള ഹ്യൂഗയടക്കം രണ്ട് യുദ്ധക്കപ്പലുകള്‍ യുഎസിന്റെ യുഎസ് റൊണാള്‍ഡ് റീഗന്‍, യുഎസ്എസ് കാള്‍ വിന്‍സണ്‍ കപ്പലുകള്‍ക്കൊപ്പം ജപ്പാന്‍ കടലില്‍ വിന്യസിച്ചു. ഇതാദ്യമായാണ് തങ്ങള്‍ ഒന്നിലധികം വിമാനവാഹിനി കപ്പലുകളെ ഉള്‍പ്പെടുത്തി സൈനികാഭ്യാസം നടത്തുന്നതെന്ന് ജപ്പാന്‍ സൈനിക വക്താവ് അറിയിച്ചു. ജപ്പാനെയും കൊറിയന്‍ ഉപദ്വീപിനെയും വേര്‍തിരിക്കുന്ന സമുദ്രമേഖലയിലെ സൈനികാഭ്യാസം സുപ്രധാനമാണെന്നും അദ്ദേഹം പറഞ്ഞു.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക