|    Aug 16 Thu, 2018 9:00 pm
Home   >  Todays Paper  >  page 7  >  

ഉത്തര്‍പ്രദേശ് ജയിലില്‍ കൊലപാതകങ്ങള്‍ തുടര്‍ക്കഥ

Published : 11th July 2018 | Posted By: kasim kzm

ലഖ്‌നോ: കുപ്രസിദ്ധ ഗുണ്ടാ നേതാവ് മുന്ന ബജ്‌രംഗി ജയിലില്‍ വെടിയേറ്റു മരിച്ചതിനു സമാനമായ സംഭവങ്ങള്‍ സംസ്ഥാന ജയിലുകളില്‍ മുമ്പും ഉണ്ടായതായി രേഖക ള്‍. മുന്നയുടെ സംഘത്തിലുണ്ടായിരുന്ന അനുരാഗ് ത്രിപാഠി എന്ന അന്നുവിനെ 2015 മെയ് 13ന് വാരണാസി ജയിലില്‍ സഹതടവുകാരനായിരുന്ന സന്തോഷ് ഗുപ്ത വെടിവച്ചുകൊന്നിരുന്നു. കൊലപാതകത്തിനായി എയര്‍കൂളറില്‍ തോക്ക് ഒളിപ്പിച്ചുകടത്തുകയായിരുന്നെന്ന് ഉന്നത പോലിസ് ഉദ്യോഗസ്ഥന്‍ പറഞ്ഞു.
2011 ജൂണ്‍ 22ന് എന്‍ആര്‍എച്ച്എം അഴിമതിക്കേസില്‍ തടവുകാരനായിരുന്ന വൈ സി സച്ചന്‍ ലഖ്‌നോ ജയിലില്‍ കൊല്ലപ്പെട്ടിരുന്നു. ജയിലിലെ ശൗചാലയത്തില്‍ ഇരിക്കുന്ന നിലയിലാണ് ഇയാളുടെ മൃതദേഹം കണ്ടെത്തിയത്. ശരീരത്തില്‍ ഒമ്പതോളം മുറിവുകളുണ്ടായിരുന്നു. ബ്ലേ—ഡ് ഉപയോഗിച്ചുള്ളവയായിരുന്നു ഇവ. ബെല്‍റ്റ് കഴുത്തില്‍ മുറുക്കി ജനല്‍ഗ്രില്ലില്‍ കെട്ടിയിട്ടിരുന്നു.
മുന്ന ബജ്‌രംഗി ജയിലില്‍ കൊല്ലപ്പെട്ട സംഭവത്തോടെ സംസ്ഥാനത്തെ ജയിലുകളില്‍ തടവുകാരുടെ സുരക്ഷ വീണ്ടും ചര്‍ച്ചയായിരിക്കുകയാണ്. കൊലപാതകം ഉള്‍പ്പെടെയുള്ള കുറ്റകൃത്യങ്ങളില്‍ ശിക്ഷിക്കപ്പെട്ടയാളാണ് കൊല്ലപ്പെട്ട മുന്ന. സംഭവത്തെ തുടര്‍ന്ന് മുഖ്യമന്ത്രി യോഗി ആദിത്യനാഥ് ജുഡീഷ്യല്‍ അന്വേഷണത്തിന് ഉത്തരവിട്ടു. കൃത്യവിലോപം കാണിച്ചതിന് ജയിലിന്റെ ചുമതലയുള്ള ഉദ്യോഗസ്ഥനെ സ്ഥലം മാറ്റുകയും ചെയ്തു.
സംഭവത്തെ തുടര്‍ന്ന് സംസ്ഥാനത്തെ എല്ലാ ജയിലുകളിലെയും തടവുകാരുടെ പ്രവര്‍ത്തനങ്ങള്‍ പ്രത്യേകം നിരീക്ഷിക്കുന്നുണ്ട്.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss