|    Mar 26 Sun, 2017 3:21 am
FLASH NEWS

ഉത്തരാഖണ്ഡ്: കേന്ദ്രത്തിന്റെ ഹരജി തള്ളി

Published : 7th April 2016 | Posted By: SMR

നൈനിത്താള്‍: ഉത്തരാഖണ്ഡില്‍ രാഷ്ട്രപതിഭരണം ഏര്‍പ്പെടുത്തിയതിനെ ചോദ്യംചെയ്തു മുന്‍ മുഖ്യമന്ത്രി ഹരീഷ് റാവത്ത് സമര്‍പ്പിച്ച ഹരജി പരിഗണിക്കുന്നതു മാറ്റിവയ്ക്കണമെന്ന കേന്ദ്രത്തിന്റെ ആവശ്യം ഹൈക്കോടതി തള്ളി. ചീഫ് ജസ്റ്റിസ് കെ എം ജോസഫ്, ജസ്റ്റിസ് വി കെ ബിഷ്ട് എന്നിവരടങ്ങിയ ബെഞ്ചാണ് കേന്ദ്രത്തിനുവേണ്ടി ഹാജരായ രണ്ട് അഡീഷനല്‍ സോളിസിറ്റര്‍ ജനറല്‍മാരുടെ ആവശ്യം നിരാകരിച്ചത്. റാവത്തിന്റെ ഹരജി പുതിയ കേസായി പരിഗണിക്കണമെന്നാണു തുഷാര്‍ മേത്ത, മണീന്ദര്‍ സിങ് എന്നിവര്‍ ആവശ്യപ്പെട്ടത്. വാദം മാറ്റിവയ്ക്കില്ലെന്നും ഹരജിയില്‍ വേണമെങ്കില്‍ രണ്ടുദിവസത്തിനുള്ളില്‍ കേന്ദ്രത്തിനു പ്രതികരണം അറിയിക്കാമെന്നും കോടതി വ്യക്തമാക്കി. അതിനുശേഷം മാത്രമേ വാദം കേള്‍ക്കുകയുള്ളൂവെന്നും കോടതി അഭിഭാഷകരെ അറിയിച്ചു. റാവത്തിനുവേണ്ടി ഹാജരായ മുതിര്‍ന്ന അഭിഭാഷകന്‍ അഭിഷേക് മനു സിങ്‌വി കേന്ദ്രസര്‍ക്കാരിന്റെ ആവശ്യത്തെ എതിര്‍ത്തു.

(Visited 73 times, 1 visits today)
thanur-inner                            
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക