|    Mar 30 Thu, 2017 4:38 am
FLASH NEWS

ഉത്തരകൊറിയ മിസൈല്‍ എന്‍ജിന്‍ പരീക്ഷിച്ചു; യുഎസ് ആക്രമിക്കാന്‍ ശേഷിയെന്ന് അവകാശവാദം

Published : 10th April 2016 | Posted By: SMR

പ്യോങ്‌യാങ്: ദീര്‍ഘദൂര മിസൈല്‍ എന്‍ജിന്‍ വിജയകരമായി പരീക്ഷിച്ചതായി ഉത്തരകൊറിയ. തങ്ങള്‍ വികസിപ്പിച്ചെടുത്ത പുതിയ എന്‍ജിന്‍ യുഎസിന്റെ സുപ്രധാനഭാഗങ്ങളിലേക്ക് ആണവാക്രമണം നടത്താന്‍ ശേഷിയുള്ളതാണെന്നും ഉത്തരകൊറിയ അവകാശപ്പെട്ടു. കെസിഎന്‍ വാര്‍ത്താ ഏജന്‍സിയാണ് റിപോര്‍ട്ട് പുറത്തുവിട്ടത്. പടിഞ്ഞാറന്‍ തീരത്തോടു ചേര്‍ന്ന പ്രദേശത്ത് ഉത്തരകൊറിയന്‍ നേതാവ് കിം ജോങ് ഉന്നിന്റെ മേല്‍നോട്ടത്തിലായിരുന്നു പരീക്ഷണം.
യുഎന്‍ നിര്‍ദേശം മറികടന്ന് ഉത്തരകൊറിയ ആണവപരീക്ഷണങ്ങളില്‍ ഏര്‍പ്പെട്ടതിനു പിന്നാലെ യുഎസും യുഎന്നും ദക്ഷിണകൊറിയയും ഉത്തരകൊറിയക്കുമേല്‍ ഉപരോധം ഏര്‍പ്പെടുത്തിയിരുന്നു. ഈ വര്‍ഷം ഹൈഡ്രജന്‍ ബോംബുള്‍പ്പെടെ നാലു തവണ ആണവായുധ പരീക്ഷണങ്ങളും ഹ്രസ്വദൂര-ദീര്‍ഘദൂര മിസൈല്‍ പരീക്ഷണങ്ങളും നടത്തിയതായി ഉത്തരകൊറിയ അവകാശപ്പെട്ടിരുന്നു. വാര്‍ത്തകള്‍ ശരിയാണെങ്കില്‍ ആണവായുധരംഗത്ത് ഉത്തരകൊറിയയുടെ വലിയൊരു ചുവടുവയ്പായിരിക്കുമിതെന്നാണ് നിരീക്ഷകര്‍ വിലയിരുത്തുന്നത്. ദക്ഷിണകൊറിയക്കും യുഎസിനുമെതിരേ ഉത്തരകൊറിയ നേരത്തേ യുദ്ധഭീഷണി മുഴക്കിയിരുന്നു.

thanur-inner                            
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day