|    Sep 20 Thu, 2018 4:41 am
FLASH NEWS

ഉച്ചഭാഷിണികളുടെ ദുരുപയോഗം; നിയമം കര്‍ശനമായി നടപ്പാക്കും

Published : 15th December 2017 | Posted By: kasim kzm

പത്തനംതിട്ട: ഉച്ചഭാഷിണികളുടെ ദുരുപയോഗം തടയുന്നതിന് സംസ്ഥാന സര്‍ക്കാര്‍ പുറപ്പെടുവിച്ചിട്ടുള്ള നിര്‍ദേശം ജില്ലയില്‍ പൂര്‍ണമായി നടപ്പാക്കുമെന്ന് ജില്ലാ കലക്ടര്‍ ആര്‍ ഗിരിജ അറിയിച്ചു. ഹോണ്‍ടൈപ്പ് ആംപ്ലിഫയറുകള്‍ പൂര്‍ണമായി നിരോധിച്ചിട്ടുള്ള സാഹചര്യത്തില്‍ ബോക്‌സ് ടൈപ്പ് ലൗഡ്‌സ്പീക്കറുകള്‍ മാത്രമേ ഉപയോഗിക്കാന്‍ പാടുള്ളൂ. മുസ്്‌ലീം പള്ളികളിലെ ബാങ്ക് വിളിക്ക് ഒഴികെ എല്ലാ ആരാധനാലയങ്ങളിലും ബോക്‌സ് ടൈപ്പ് ഉച്ചഭാഷിണികള്‍ മാത്രം ഉപയോഗിക്കണം. ഉച്ചഭാഷിണികളില്‍ നിന്നുള്ള ശബ്ദം കെട്ടിടത്തിന്റെ പരിധി വിട്ട് പുറത്തുപോകാന്‍ പാടില്ല. തെരുവുകളിലും വാഹനങ്ങളിലും ഉച്ചഭാഷികളുടെ ഉപയോഗം പരമാവധി കുറയ്ക്കണം. എല്ലാത്തരം എയര്‍ഹോണുകളും നിരോധിച്ചിട്ടുള്ളതാണ്. പോലീസിന്റെ മുന്‍കൂര്‍ അനുമതിയില്ലാതെ ഉച്ചഭാഷിണികള്‍ ഉപയോഗിക്കാന്‍ പാടില്ല. രാത്രി 10ന് ശേഷവും രാവിലെ ആറിന് മുമ്പും ഉച്ചഭാഷിണികള്‍ ഉപയോഗിക്കുന്നവര്‍ക്കെതിരെ കര്‍ശന നടപടി സ്വീകരിക്കും. ഉച്ചഭാഷിണികളുടെ ദുരുപയോഗം ശ്രദ്ധയില്‍പ്പെട്ടാല്‍ പൊതുജനങ്ങള്‍ക്ക് പോലീസിനെ അറിയിക്കാവുന്നതാണ്.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss