|    Aug 20 Mon, 2018 2:18 am
FLASH NEWS
Home   >  Todays Paper  >  page 12  >  

ഉഗാണ്ടയില്‍ ബൈക്ക് യാത്രികര്‍ തല മറയ്ക്കരുതെന്ന്

Published : 28th July 2018 | Posted By: kasim kzm

കംപാല: ബൈക്ക് യാത്രികര്‍ തല മറയ്ക്കരുതെന്ന് ഉഗാണ്ടന്‍ പ്രസിഡന്റ് യൊവാരി മുസവേനി. കുറ്റകൃത്യങ്ങള്‍ പെരുകുന്ന സാഹചര്യത്തിലാണ് പുതിയ നടപടി. കഴിഞ്ഞ വര്‍ഷത്തേക്കാള്‍ ഇക്കൊല്ലം 3.3% കുറ്റകൃത്യങ്ങള്‍ വര്‍ധിച്ചുവെന്ന് ഉഗാണ്ടയിലെ ദേശീയ മാധ്യമങ്ങള്‍ റിപോര്‍ട്ട് ചെയ്ത സാഹചര്യത്തിലാണ് ബൈക്കില്‍ യാത്ര ചെയ്യുന്നവര്‍ ഹൂഡീസ് (തല മറയ്ക്കുന്ന വസ്ത്രം) ഉപയോഗിക്കരുതെന്ന് കര്‍ശന നിര്‍ദേശം നല്‍കിയത്. സുരക്ഷയ്ക്കായി പത്തിന പദ്ധതികളാണ് പ്രസിഡന്റ് ആവിഷ്‌കരിച്ചത്. ഹെല്‍മറ്റ് ഒഴികെ മറ്റെന്തെങ്കിലും ഉപയോഗിച്ച് തല മറയ്ക്കുന്നവര്‍ പിഴയൊടുക്കേണ്ടിവരും. ബൈക്ക് യാത്രികര്‍ ഹെല്‍മറ്റ് ധരിക്കണമെന്നും കര്‍ശന നിര്‍ദേശമുണ്ട്. ഇത് നിരീക്ഷിക്കാന്‍ കൂടുതല്‍ കാമറകള്‍ സ്ഥാപിക്കും. കൊലപാതകങ്ങള്‍, തട്ടിക്കൊണ്ടുപോകല്‍ തുടങ്ങിയവ വര്‍ധിച്ചതായി റിപോര്‍ട്ടുകള്‍ സൂചിപ്പിക്കുന്നു. മുഖംമൂടി ധരിച്ചവരോ അല്ലെങ്കില്‍ തല മറച്ചവരോ ആയ  ബൈക്ക് യാത്രികരാണ് ഇത്തരം കുറ്റകൃത്യങ്ങള്‍ കൂടുതലായി ചെയ്യുന്നത്.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss