|    Apr 24 Tue, 2018 10:41 am
FLASH NEWS

ഈരാറ്റുപേട്ടയില്‍ ഗതാഗതക്കുരുക്ക് രൂക്ഷം

Published : 1st April 2018 | Posted By: kasim kzm

ഈരാറ്റുപേട്ട: നഗരത്തില്‍ കുറച്ചു ദിവസങ്ങളായി അനുഭവപ്പെടുന്ന ഗതാഗതക്കുരുക്ക് ഇന്നലെ രൂക്ഷമായി. നഗരസഭാ ബസ് സ്റ്റാന്‍ഡ് മുതല്‍ സെന്‍ട്രല്‍ ജങ്ഷന്‍ വരെ വാഹന ഗതാഗതം തുടരുമ്പോഴും നിയന്ത്രിക്കാന്‍ ടൗണില്‍ പോലിസില്ലാത്തതു കുരുക്കു രുക്ഷമാക്കി.
ടൗണില്‍ ഗതാഗതക്കുരുക്ക് ഉണ്ടാവുന്നതോടെ പാലാ റോഡിലും കാഞ്ഞിരപ്പള്ളി റോഡിലും തൊടുപുഴ റോഡിലും ഒരു പോലെ വാഹന നിര നീളുകയാണ്. നഗരത്തില്‍ ഇടക്കിടെ ഗതാഗതക്കുരുക്ക് രൂപപ്പെടുന്നത് വാഹന യാത്രികര്‍ക്കും കാല്‍നടക്കാര്‍ക്കും മറ്റും ദുരിതമാവുന്നു. നാലു വാഹനങ്ങള്‍ ഒരുമിച്ചെത്തിയാലോ ഏതെങ്കിലും വാഹനം റോഡ് സൈഡില്‍ പാര്‍ക്ക് ചെയ്താലോ ഗതാഗതക്കുരുക്ക് രൂപപ്പെടുകയാണ്. നഗരത്തിലൂടെ കടന്നുപോവുന്ന റോഡുകള്‍ വീതി കൂട്ടിയാല്‍ മാത്രമേ ഗതാഗതകുരുക്കിനു പരിഹാരമാവുകയുള്ളു.
നേരത്തെ നഗരത്തിലെ റോഡുകള്‍ വീതി കൂട്ടുമെന്ന പ്രതീതി ഭരണകര്‍ത്താക്കള്‍ നല്‍കിയിരുന്നെങ്കിലും അതിനുള്ള യാതൊരു നടപടിയും സ്വീകരിക്കപ്പെട്ടിട്ടില്ല. അധികൃതരുടെ അനങ്ങാപ്പാറ നയം തുടരുകയാണ്.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Dont Miss