|    Jan 22 Sun, 2017 3:35 pm
FLASH NEWS

ഈരാറ്റുപേട്ടയിലെ ഹോട്ടലില്‍ മോഷണം: മോഷ്ടാവിന്റെ ദൃശ്യം കാമറയില്‍

Published : 9th September 2015 | Posted By: admin

ഈരാറ്റുപേട്ട: ഈരാറ്റുപേട്ട ടൗണില്‍ കെ.എസ്.ആര്‍.ടി.സി. ബസ് സ്റ്റാന്‍ഡിനു സമീപത്തെ ഹോട്ടലില്‍ മോഷണം. ഇന്നലെ പുലര്‍ച്ചെ ഒന്നോടെ മോഷണം നടന്നതെന്നാണ് സി.സി.ടി.വി ദൃശ്യങ്ങള്‍ വ്യക്തമാക്കുന്നത്. ഭിത്തി തുരന്ന് അകത്തുകടന്ന മോഷ്ടാവ് പണപ്പെട്ടി വലിച്ചു തുറന്നെങ്കിലും ഒന്നും ലഭിച്ചില്ല. തുടര്‍ന്ന് സി.സി ടി.വി കാമറ ഘടിപ്പിച്ചിരുന്ന മോനിട്ടര്‍ എടുത്തുകൊണ്ടുപോയി. ബില്ലിങ് മെഷീന്റെ കേബിളുകള്‍ മുഴുവന്‍ മുറിച്ചു നശിപ്പിച്ചു. ഏകദേശം 15000ത്തോളം രൂപയുടെ നഷ്ടമുണ്ടായതായി കണക്കാക്കുന്നു. വാഷ്‌ബേസിനു സമീപമുള്ള ഭിത്തി തുരന്നാണ് മോഷ്ടാവ് അകത്തു കടന്നത്. ഹോട്ടലിന്റെ അരികിലുള്ള ജനലിലൂടെ മോഷ്ടിച്ച സാധനങ്ങള്‍ പുറത്തേയ്ക്കിടുന്നതും സി.സി ടി.വി ദൃശ്യങ്ങളില്‍ കാണാം. സി.സി ടി.വി ദൃശ്യങ്ങളില്‍ നിന്ന് മോഷ്ടാവിനെക്കുറിച്ചുള്ള വിവരങ്ങള്‍ ലഭിച്ചതായി എസ്.ഐ വി എ സുരേഷ് പറഞ്ഞു.

Share on FacebookShare on Google+Tweet about this on TwitterShare on LinkedIn
(Visited 59 times, 1 visits today)
                     
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക