|    Nov 16 Fri, 2018 1:04 pm
FLASH NEWS
Home   >  Todays Paper  >  page 12  >  

ഇ-ലേണിങ്: സംസ്ഥാന സര്‍ക്കാര്‍ ധാരണാപത്രം ഒപ്പുവച്ചു

Published : 17th October 2018 | Posted By: kasim kzm

തിരുവനന്തപുരം: അധ്യാപകസമൂഹത്തെ ശാക്തീകരിക്കാനും വിദ്യാര്‍ഥികളുടെ പഠനനിലവാരം മെച്ചപ്പെടുത്താനും ലക്ഷ്യമിട്ടുള്ള ഇ-ലേണിങ് പദ്ധതിക്ക് സംസ്ഥാന സര്‍ക്കാര്‍ ഖാ ന്‍ അക്കാദമി ഇന്ത്യയുമായി (കെഎഐ) ധാരണാപത്രം ഒപ്പുവച്ചു. സംസ്ഥാനത്തെ 4775 സര്‍ക്കാര്‍, എയ്ഡഡ് സ്‌കൂളുകളിലെ ഒരുലക്ഷത്തോളം അധ്യാപകരും എട്ടാം ക്ലാസ് മുതല്‍ 12ാം ക്ലാസ് വരെയുള്ള 20 ലക്ഷത്തോളം സയന്‍സ്-ഗണിത വിദ്യാര്‍ഥികളും ഇതില്‍ ഭാഗഭാക്കാവും. ഈ വര്‍ഷം മുതല്‍ പദ്ധതി നടപ്പാക്കിത്തുടങ്ങും.
20 സ്‌കൂളുകളെ ഉള്‍പ്പെടുത്തിയുള്ളതാണ് പൈലറ്റ് പദ്ധതി. ആദ്യവര്‍ഷത്തെ അനുഭവത്തില്‍ നിന്ന് പാഠങ്ങള്‍ ഉള്‍ക്കൊണ്ടുകൊണ്ട് തുടര്‍ന്നുള്ള നാലുവര്‍ഷങ്ങളില്‍ സംസ്ഥാനവ്യാപകമായി പദ്ധതി നടപ്പാക്കും. വിദ്യാര്‍ഥികളുടെ പഠനപുരോഗതി വിലയിരുത്താനും കുറവുകള്‍ പരിഹരിക്കാനുതകുന്ന വിധത്തില്‍ വ്യക്തിഗത പരിശീലനം നല്‍കാനും അധ്യാപകര്‍ക്കു കഴിയും. കരാറിന്റെ കാലാവധി അഞ്ചുവര്‍ഷമാണ്. ഇന്നലെ രാവിലെ മുഖ്യമന്ത്രിയുടെ ഓഫിസില്‍ നടന്ന ചടങ്ങില്‍ മുഖ്യമന്ത്രി പിണറായി വിജയന്‍, വിദ്യാഭ്യാസമന്ത്രി സി രവീന്ദ്രനാഥ്, വിദ്യാഭ്യാസ സെക്രട്ടറി ഉഷ ടൈറ്റസ്, കെഐടിഇ എക്‌സിക്യൂട്ടീവ് ഡയറക്ടര്‍ അന്‍വര്‍ സാദത്ത്, ഹയര്‍ സെക്കന്‍ഡറി എജ്യൂക്കേഷന്‍ ഡയറക്ടര്‍ സുധീര്‍ ബാബു, ഖാന്‍ അക്കാദമി ഇന്ത്യ മാനേജിങ് ഡയറക്ടര്‍ സന്ദീപ് ബാപ്‌ന, കണ്‍ട്രി സ്ട്രാറ്റജിസ്റ്റ് മധു ശാലിനി സന്നിഹിതരായിരുന്നു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss