|    Feb 24 Sat, 2018 3:52 am
FLASH NEWS
Home   >  Todays Paper  >  page 12  >  

ഇ-മൈഗ്രേറ്റ് : പരമാധികാരം ലംഘിക്കുന്നതായി യുഎഇ

Published : 29th May 2017 | Posted By: fsq

 

ന്യൂഡല്‍ഹി: കേന്ദ്രസര്‍ക്കാരിന്റെ ഇ-മൈഗ്രേറ്റ് പദ്ധതിക്കെതിരേ യുഎഇ. രാജ്യത്തിന്റെ പരമാധികാരത്തിന്മേലുള്ള കടന്നുകയറ്റമാണ് ഇന്ത്യയുടെ ഇ-മൈഗ്രേറ്റ് പദ്ധതിയെന്ന് ഇന്ത്യയിലെ യുഎഇ അംബാസഡര്‍ ഡോ. അഹ്മദ് അല്‍ ബന്ന വ്യക്തമാക്കി. തൊഴിലിടങ്ങളില്‍ ഇന്ത്യന്‍ തൊഴിലാളികള്‍ നേരിടുന്ന പ്രശ്‌നങ്ങളുമായി ബന്ധപ്പെട്ട് പരാതികള്‍ ഉയര്‍ന്നപ്പോഴാണ് വിദേശകാര്യമന്ത്രാലയത്തിന്റെ പ്രവാസികാര്യ വകുപ്പ് 2015ല്‍ ഡാറ്റാബേസ് അടിസ്ഥാനത്തിലുള്ള ഇ-മൈഗ്രേറ്റ് പദ്ധതി ആരംഭിക്കുന്നത്. കുടിയേറ്റക്കാരുടെയും വിദേശത്ത് ജോലി ചെയ്യുന്നവരുടെയും വിദേശ തൊഴിലാളികളുടെയും കമ്പനികളുടെയും റിക്രൂട്ട്‌മെന്റ് ഏജന്‍സികളുടെയും വിവരങ്ങള്‍ ഇ-മൈഗ്രേറ്റ് പദ്ധതി പ്രകാരം ശേഖരിച്ചുവരുകയായിരുന്നു. ഇത് രാജ്യത്തിന്റെ പരമാധികാരത്തിന്മേലുള്ള ലംഘനമാണെന്നാണ് യുഎഇ വ്യക്തമാക്കുന്നത്. ഇക്കാര്യം വിദേശകാര്യമന്ത്രാലയത്തില്‍  പ്രവാസികാര്യസെക്രട്ടറി ധ്യാനേശ്വര്‍ മുലേയെ ഈ മാസം ആദ്യം അറിയിച്ചിട്ടുണ്ടെന്നും അദ്ദേഹം പറഞ്ഞു.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss