|    Sep 25 Tue, 2018 2:27 pm
FLASH NEWS
Home   >  Todays Paper  >  Page 5  >  

ഇ പി ജയരാജന്‍ മന്ത്രിസഭായോഗ അധ്യക്ഷന്‍

Published : 4th September 2018 | Posted By: kasim kzm

തിരുവനന്തപുരം: മന്ത്രിസഭായോഗ അധ്യക്ഷനായി ഇ പി ജയരാജനെ ചുമതലപ്പെടുത്തി വിജ്ഞാപനം പുറത്തിറങ്ങി. എന്നാല്‍, മുഖ്യമന്ത്രിയുടെ വകുപ്പുകളുടെ ചുമതല കൈമാറിയിട്ടില്ല. ചികില്‍സയ്ക്കായി മുഖ്യമന്ത്രി പിണറായി വിജയന്‍ അമേരിക്കയിലേക്കു പോയ സാഹചര്യത്തിലാണ് മന്ത്രിസഭായോഗ അധ്യക്ഷന്റെ ചുമതല മന്ത്രി ഇ പി ജയരാജന് നല്‍കിയത്. മുഖ്യമന്ത്രിയുടെ അഭാവം ദുരിതാശ്വാസ പ്രവര്‍ത്തനങ്ങളെ ബാധിക്കില്ലെന്ന് ഇ പി ജയരാജന്‍ കഴിഞ്ഞദിവസം പറഞ്ഞിരുന്നു. ഭരണരംഗത്ത് ഇതുവരെ എങ്ങനെയാണോ അതുപോലെ തുടരുമെന്ന് അദ്ദേഹം പറഞ്ഞു. ദുരിതാശ്വാസ ക്യാംപില്‍ നിന്ന് പോവുന്നവര്‍ക്ക് നല്‍കുമെന്നു പ്രഖ്യാപിച്ച 10,000 രൂപ എല്ലാവര്‍ക്കും നല്‍കുമെന്നും അദ്ദേഹം കൂട്ടിച്ചേര്‍ത്തു. അതേസമയം, മന്ത്രി ഇ പി ജയരാജനെ അധ്യക്ഷനാക്കിയ സിപിഎം നടപടിയെ വിമര്‍ശിച്ച് കോണ്‍ഗ്രസും ബിജെപിയും രംഗത്തുവന്നു. കഴിഞ്ഞദിവസം മന്ത്രിസഭയിലെ രണ്ടാമന്‍ ഇ പി ജയരാജന്‍ തന്നെയെന്ന് ഉറപ്പിച്ച് നിയമസഭയില്‍ സീറ്റ് ക്രമീകരണം നടത്തിയിരുന്നു. വീണ്ടും മന്ത്രിയായശേഷമുള്ള ആദ്യ നിയമസഭാ സമ്മേളനത്തില്‍ മുഖ്യമന്ത്രിയുടെ സമീപത്തെ സീറ്റ് ഇ പി ജയരാജനു ലഭിച്ചു.

 

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss