|    Jun 21 Thu, 2018 12:54 am
FLASH NEWS
Home   >  Todays Paper  >  page 7  >  

ഇ-ട്രെയിന്‍ ടിക്കറ്റുകള്‍ വെയിറ്റിങ്് ലിസ്റ്റിലാണെങ്കിലും യാത്ര ചെയ്യാം

Published : 3rd June 2018 | Posted By: kasim kzm

ന്യൂഡല്‍ഹി: ഓണ്‍ലൈന്‍ വഴി എടുക്കുന്ന ഇ ടിക്കറ്റുകള്‍ വെയിറ്റിങ്് ലിസ്റ്റിലാണെങ്കിലും ഇനി യാത്രക്കാര്‍ക്ക് ട്രെയിനില്‍ യാത്ര ചെയ്യാം.
ഇത്തരക്കാര്‍ക്ക് ട്രെയിനില്‍ കയറുകയും ഒഴിവുള്ള ബെര്‍ത്തുകള്‍ ഉപയോഗിക്കുകയും ചെയ്യാമെന്ന് സുപ്രിംകോടതി പുറപ്പെടുവിച്ച ഉത്തരവില്‍ പറയുന്നു. മുമ്പ് റെയില്‍വേ സ്‌റ്റേഷനുകളില്‍ നിന്ന് നേരിട്ട് ടിക്കറ്റെടുക്കുന്നവര്‍ക്കു (കൗണ്ടര്‍ ടിക്കറ്റ്) മാത്രമായിരുന്നു ഈ സൗകര്യം ലഭ്യമായിരുന്നത്. എന്നാല്‍, ഇതു വിവേചനമാണെന്നാണ് സുപ്രിംകോടതി ഉത്തരവില്‍ ചൂണ്ടിക്കാട്ടുന്നത്. ഇക്കാര്യത്തിലെ വിവേചനം ചൂണ്ടിക്കാട്ടി ഡല്‍ഹി ഹൈക്കോടതിയും 2004ല്‍ ഉത്തരവ് ഇറക്കിയിരുന്നു.
ഹൈക്കോടതി ഉത്തരവിനെതിരേ റെയില്‍വേ സമര്‍പ്പിച്ച അപ്പീല്‍ തള്ളിയാണ് ഇ ടിക്കറ്റ് യാത്രക്കാര്‍ക്ക് അനുകൂലമായി സുപ്രിംകോടതി ഉത്തരവ് ഉണ്ടായിരിക്കുന്നത്.
പുതിയ നിര്‍ദേശം അനുസരിച്ച് യാത്രക്കാരുടെ അവസാന ചാര്‍ട്ട് പുറത്തിറങ്ങുമ്പോള്‍ ഇ ടിക്കറ്റില്‍ വെയിറ്റിങ് ലിസ്റ്റിലുള്ള യാത്രക്കാരുടെ ടിക്കറ്റുകള്‍ റദ്ദാക്കാനാവില്ല. കഴിഞ്ഞദിവസം സുപ്രിംകോടതി അപ്പീല്‍ പരിഗണനയ്‌ക്കെടുത്തപ്പോള്‍ റെയില്‍വേക്കു വേണ്ടി അഭിഭാഷകര്‍ ആരും തന്നെ ഹാജരായിരുന്നില്ല.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss