|    Jun 22 Fri, 2018 10:28 pm
FLASH NEWS
Home   >  Pravasi   >  

ഇ-ഗേറ്റ് ഉപയോഗിക്കുന്നതിന് വിവരങ്ങള്‍ അപ്‌ഡേറ്റ് ചെയ്യണമെന്ന് മന്ത്രാലയം

Published : 3rd May 2017 | Posted By: fsq

 

ദോഹ: പാസ്‌പോര്‍ട്ട് പുതുക്കിയ ഖത്തര്‍ നിവാസികള്‍ ഇ-ഗേറ്റ് ഉപയോഗിക്കുന്നതിന് ഹമദ് ഇന്റര്‍നാഷനല്‍ എയര്‍പോര്‍ട്ട്, ജനറല്‍ ഡയറക്ടറേറ്റ് ഓഫ് പാസ്‌പോര്‍ട്ട്‌സ്, സര്‍വീസ് സെന്ററുകള്‍ എന്നിവയില്‍  എവിടെ നിന്നെങ്കിലും തങ്ങളുടെ വിവരങ്ങള്‍ അപ്‌ഡേറ്റ് ചെയ്യണമെന്ന് ആഭ്യന്തര മന്ത്രാലയം അറിയിച്ചു. സാധുവായ ഐഡി കാര്‍ഡുള്ള ആര്‍ക്കും ഹമദ് വിമാനത്താവളം വഴിയുള്ള പോക്കിനും വരവിനും ഇ-ഗേറ്റ് ഉപയോഗിക്കാവുന്നതാണെന്ന് മന്ത്രാലയം ട്വിറ്ററില്‍ വ്യക്തമാക്കി. ഈ സേവനത്തിന് ചാര്‍ജ് നല്‍കേണ്ടതില്ല. ഇതുവഴി ഇമിഗ്രേഷന്‍ കൗണ്ടറുകളിലെ തിരക്ക് കുറയ്ക്കാനും ധാരാളം സമയം ലാഭിക്കാനും സാധിക്കും. 18 വയസ്സിന് താഴെയുള്ള കുട്ടികളോടൊപ്പമുള്ള കുടുംബമാണെങ്കില്‍ ഇ-ഗേറ്റ് ഉപയോഗിക്കാനാവില്ല. 18 വയസ്സിന് മുകളിലുള്ള എല്ലാ പ്രവാസികള്‍ക്കും ഐഡി കാര്‍ഡ് ഉപയോഗിച്ച് ഇ-ഗേറ്റ് പ്രയോജനപ്പെടുത്താം. ഇ-ഗേറ്റിലുള്ള കാര്‍ഡ് റീഡര്‍ മെഷീനില്‍ ഐഡി കാര്‍ഡ് സ്‌കാന്‍ ചെയ്ത ശേഷം വിരലടയാളമോ കണ്ണിലെ കൃഷ്ണ മണിയോ സ്‌കാന്‍ ചെയ്യണം. ഐഡിയിലെ വിവരങ്ങളും വിരല്‍/റെറ്റിന അടയാളവും മാച്ച് ചെയ്താല്‍ ഇ-ഗേറ്റ് തുറക്കും. എല്ലാ ഖത്തര്‍ നിവാസികളും ഡിപാര്‍ച്ചര്‍ ഗേറ്റുകള്‍ക്കു സമീപത്തുള്ള ചെറിയ ഓഫിസില്‍ നിന്ന് വിരലടയാളം സ്‌കാന്‍ ചെയ്യണമെന്ന് മന്ത്രാലയം അഭ്യര്‍ഥിച്ചു. ഒന്നോ രണ്ടോ മിനിറ്റിനകം പൂര്‍ത്തിയാവുന്ന പ്രക്രിയയാണിത്. ഇതിന് ശേഷം വിരലടയാളം ഉപയോഗിച്ച് ഇ-ഗേറ്റ് വഴി അകത്തേക്കു കടക്കാനാവും. കണ്ണ് സ്‌കാന്‍ ചെയ്യുന്നതിനേക്കാള്‍ എളുപ്പമാണ് ഇതെന്ന് അധികൃതര്‍ വ്യക്തമാക്കി.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss