|    Dec 15 Fri, 2017 6:23 am
FLASH NEWS

ഇസ്‌ലാം വിവേചനങ്ങള്‍ക്ക് അന്ത്യം കുറിച്ച ദര്‍ശനം: ഷിഫാര്‍ മൗലവി

Published : 3rd December 2017 | Posted By: kasim kzm

മുട്ടപ്പള്ളി: ലോകത്ത് വിവേചനങ്ങള്‍ക്ക് അന്ത്യം കുറിച്ച ദര്‍ശനമാണ് ഇസ്‌ലാമെന്ന് കാഞ്ഞിരപ്പള്ളി നൈനാര്‍ മസ്ജിദ് ചീഫ് ഇമാം എ പി ഷിഫാര്‍ മൗലവി. ദക്ഷിണമേഖലാ ലജ്‌നത്തുല്‍ മുഅല്ലിമീന്‍ എരുമേലി മേഖലാ കമ്മിറ്റി മുട്ടപ്പള്ളിയില്‍ നടത്തിയ മദ്ഹുര്‍ റസൂല്‍ സംഗമം ഉദ്ഘാടനം ചെയ്യുകയായിരുന്നു അദ്ദേഹം. കാരുണ്യത്തിന്റെയും സമഭാവനയുടെയും സന്ദേശമാണ് ഇസ്‌ലാം വിഭാവനം ചെയ്യുന്നത്. എന്നാല്‍ ലോകത്ത് ഏറ്റവുമധികം തെറ്റിദ്ധരിക്കപ്പെട്ട മതമായി ഇന്നു ഇസ്‌ലാം മാറിയിരിക്കുന്നു. ഇതു സാമ്രാജ്യത്വത്തിന്റെയും സയണിസത്തിന്റെയും ആസൂത്രിത നീക്കത്തിന്റെ ഭാഗമാണെന്നും അദ്ദേഹം പറഞ്ഞു.
ഇസ്‌ലാമിക ദര്‍ശനത്തിന്റെ സത്യസന്ധതയും നീതിയുമാണ് ഇസ്‌ലാം ലോകത്ത് പ്രസക്തമാക്കിയതെന്നും ലോകത്ത് അതിവേഗം ഇസ്‌ലാം വളരുകയാണെന്നും മുഖ്യപ്രഭാഷണം നടത്തിയ വി എച്ച് അലിയാര്‍ മൗലവി പറഞ്ഞു. ജാതിവ്യവസ്ഥ മൂലം അസ്പൃശ്യതയും അടിമത്തവും അനുഭവിച്ചിരുന്നവര്‍ മനുഷ്യനായി ജീവിക്കുന്നതിന് ഇസ്‌ലാം സ്വീകരിക്കുമ്പോള്‍ അസഹിഷ്ണുത കാണിച്ചിട്ടു കാര്യമില്ലെന്നും അദ്ദേഹം പറഞ്ഞു. സമ്മേളനത്തില്‍ മേഖലാ പ്രസിഡന്റ് ഹബീബ് മുഹമ്മദ് മൗലവി അധ്യക്ഷത വഹിച്ചു.
വി എച്ച് അലിയാര്‍ മൗലവി മുഖ്യപഭാഷണം നടത്തി. അബ്ദുല്‍ അസീസ് മൗലവി, ഹാജി പി എ ഇര്‍ഷാദ്, സുലൈമാന്‍ റാവുത്തര്‍, അബ്ദുല്‍ സമദ് മൗലവി,  താഹാ മൗലവി, ഇസ്മായില്‍ മൗലവി, സി എച്ച് നിസാര്‍ മൗലവി, നെജീബ് ഹസന്‍ ബാഖവി, ഇബ്രാഹിംകുട്ടി, ഷാഹുല്‍ ഹമീദ് മൗലവി, മുഹമ്മദ് കുഞ്ഞ്, നിസാര്‍ മൗലവി, ഹനീഫ മൗലവി സംബന്ധിച്ചു. സമ്മേളനത്തിനു മുന്നോടിയായി സംയുക്ത നബിദിന സന്ദേശറാലിയും  നടത്തി.

വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക