|    May 28 Sun, 2017 2:12 pm
FLASH NEWS

ഇസ്‌ലാംഭീതിക്കെതിരേ അടിയന്തര നടപടികള്‍ സ്വീകരിക്കണം: ഒഐസി

Published : 16th April 2016 | Posted By: SMR

ഇസ്താംബൂള്‍: പടിഞ്ഞാറന്‍ രാജ്യങ്ങള്‍ ഇസ്‌ലാംഭീതിയും വിദേശി ഭീതിയും കുറച്ചുകൊണ്ടുവരുന്നതിനുള്ള അടിയന്തര നടപടികള്‍ സ്വീകരിക്കണമെന്ന് ഓര്‍ഗനൈസേഷന്‍ ഓഫ് ഇസ്‌ലാമിക് കോഓപറേഷന്‍(ഒഐസി).
തുര്‍ക്കിയിലെ ഇസ്താംബൂളില്‍ വ്യാഴാഴ്ചയാരംഭിച്ച ഇസ്‌ലാമിക രാജ്യങ്ങളുടെ സമ്മേളനത്തില്‍ ഇന്നലെയാണ് പുതിയ പ്രഖ്യാപനമുണ്ടായത്. പാശ്ചാത്യ രാജ്യങ്ങളില്‍ വംശീയതയും മുസ്‌ലിംകള്‍ക്കെതിരായ ആക്രമണങ്ങളും വര്‍ധിച്ചുവരുന്നതില്‍ 57 അംഗരാജ്യങ്ങള്‍ ആശങ്ക രേഖപ്പെടുത്തി. ഇസ്താംബൂളില്‍ ചേര്‍ന്ന 13ാമത് ഒഐസി ഉച്ചകോടിയില്‍ ആഗോളതലത്തില്‍ മുസ്‌ലിംകള്‍ നേരിടുന്ന പ്രശ്‌നങ്ങള്‍ ചര്‍ച്ചചെയ്തു.
തീവ്രവാദത്തിനെതിരായ യുദ്ധത്തില്‍ മുസ്‌ലിം രാജ്യങ്ങള്‍ക്കിടയിലെ ഐക്യം വര്‍ധിപ്പിക്കാനാവുമെന്ന് പ്രതീക്ഷിക്കുന്നതായി യോഗം അഭിപ്രായപ്പെട്ടു. തുര്‍ക്കി പ്രസിഡന്റ് റജബ് ത്വയ്യിബ് ഉര്‍ദുഗാന്‍ന്റെ നേതൃത്വത്തിലാണ് രണ്ടു ദിവസം നീണ്ട സമ്മേളനം. തീവ്രവാദത്തെ ദേശീയത, സംസ്‌കാരം, മതങ്ങള്‍, വംശങ്ങള്‍ എന്നിവയുമായി ബന്ധിപ്പിക്കാനുള്ള ശ്രമങ്ങളെ എതിര്‍ക്കുമെന്നും യോഗം അഭിപ്രായപ്പെട്ടു. അഭയാര്‍ഥി വിഷയവും ചര്‍ച്ചയായി.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day