|    Sep 22 Fri, 2017 11:57 am
FLASH NEWS
Home   >  Todays Paper  >  page 9  >  

ഇസ്രായേല്‍-ഫലസ്തീന്‍ സമാധാനചര്‍ച്ച; ഫ്രാന്‍സ് പക്ഷപാതപരമായി പെരുമാറും: നെതന്യാഹു

Published : 16th May 2016 | Posted By: swapna en

ജറുസലേം: ഫ്രാന്‍സിന്റെ മധ്യസ്ഥതയില്‍ ഇസ്രായേല്‍-ഫലസ്തീന്‍ സമാധാനചര്‍ച്ച നടക്കാനിരിക്കെ ഫ്രാന്‍സ് പക്ഷപാതപരമായി പെരുമാറുമെന്ന് സംശയിക്കുന്നതായി ഇസ്രായേല്‍ പ്രധാനമന്ത്രി ബെഞ്ചമിന്‍ നെതന്യാഹു. പ്രസ്താവന നിഷേധിച്ച ഫ്രഞ്ച് വിദേശകാര്യമന്ത്രി ഴാന്‍ മാര്‍ക് ആയ്‌റോള്‍ട്ട് ഫ്രാന്‍സിന് സ്ഥാപിത താല്‍പര്യങ്ങളില്ലെന്നു വ്യക്തമാക്കി. അതേസമയം, ഗസയില്‍ ഐഎസ് ശക്തിയാര്‍ജിച്ചു വരുകയാണെന്ന ആരോപണം പൂര്‍ണമായും തെറ്റാണെന്നത് വ്യക്തമാണെന്നും അതിനാല്‍ ആരോപണം തള്ളിക്കളയേണ്ടതാണെന്നും അദ്ദേഹം കൂട്ടിച്ചേര്‍ത്തു.
നെതന്യാഹുവും ഫലസ്തീന്‍ പ്രസിഡന്റ് മഹ്മൂദ് അബ്ബാസുമായി കൂടിക്കാഴ്ച നടത്തിയ ശേഷം സംസാരിക്കുകയായിരുന്നു ആയ്‌റോള്‍ട്ട്. അതേസമയം, ഉപാധികള്‍ വയ്ക്കാതെ നേരിട്ടായിരിക്കണം ചര്‍ച്ച നടത്തേണ്ടതെന്ന് നെതന്യാഹു ആവശ്യപ്പെട്ടു.
ഈ രീതിയാണ് ധാരണയുണ്ടാക്കാന്‍ ഉപകാരപ്പെടുകയെന്നും അതല്ലാതെയുള്ള ശ്രമങ്ങള്‍ സംഘര്‍ഷത്തിന്റെ മൂലകാരണം നിഷേധിക്കാന്‍ ഫലസ്തീന് അവസരം നല്‍കുമെന്നും നെതന്യാഹു ആരോപിച്ചു.
ഫ്രാന്‍സ് മുന്നോട്ടുവച്ച ഉപാധികള്‍ ഫലസ്തീന്‍ സ്വാഗതം ചെയ്തിട്ടുണ്ട്. 2014ല്‍ യുഎസിന്റെ മധ്യസ്ഥതയില്‍ നടന്ന ഇസ്രായേല്‍-ഫലസ്തീന്‍ സമാധാനചര്‍ച്ച പരാജയപ്പെട്ടിരുന്നു.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക