|    Jul 22 Sat, 2017 4:22 am
FLASH NEWS
Home   >  Todays Paper  >  page 9  >  

ഇസ്രായേല്‍  ആക്രമണം: മൂന്നു ഫലസ്തീനികള്‍ കൊല്ലപ്പെട്ടു

Published : 15th February 2016 | Posted By: SMR

തെല്‍അവീവ്: അധിനിവേശ ഫലസ്തീനില്‍ ഇസ്രായേല്‍ സൈന്യം നടത്തിയ രണ്ടു വ്യത്യസ്ത ആക്രമണങ്ങളില്‍ മൂന്നു കൗമാരക്കാര്‍ കൊല്ലപ്പെട്ടു. കൊല്ലപ്പെട്ടവരില്‍ ഒരു പെണ്‍കുട്ടിയും ഉള്‍പ്പെടും. അറാഖിലാണ് ആദ്യ ആക്രമണം നടന്നത്. ഇതില്‍ 15കാരായ രണ്ട് ആണ്‍കുട്ടികള്‍ കൊല്ലപ്പെട്ടു. നിഹാദ് റഈദ് വകീദ്, ഫുആദ് മര്‍വാന്‍ വകീദ് എന്നിവരാണു മരിച്ചത്.
വെസ്റ്റ്ബാങ്കിലെ ബത്‌ലഹേമിന് വടക്കുഭാഗത്ത് മസ്മൂരിയ ചെക്‌പോയിന്റിലാണ് രണ്ടാമത്തെ ആക്രമണം നടന്നത്. സൈന്യത്തിനു നേരേ കല്ലെറിഞ്ഞു എന്നാരോപിച്ചാണ് മസ്മൂരിയയില്‍ 17കാരിയായ നയീം അഹ്മദ് സാഫിയയെ സൈന്യം വെടിവച്ചു കൊലപ്പെടുത്തിയത്. വെസ്റ്റ് ബാങ്കില്‍ കഴിഞ്ഞവര്‍ഷം ഒക്ടോബറില്‍ തുടങ്ങിയ സംഘര്‍ഷത്തില്‍ മരിച്ച ഫലസ്തീനികളുടെ എണ്ണം 176 ആയതായി ഫലസ്തീന്‍ മന്ത്രാലയം അറിയിച്ചു.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക