|    May 25 Thu, 2017 10:46 am
FLASH NEWS

ഇസ്മായില്‍ റാവൂത്തറെ സംസ്ഥാന പൈനാപ്പിള്‍ മിഷന്‍ ഡയറക്ടറായി നിയമിച്ചു

Published : 12th October 2015 | Posted By: G.A.G

ismail-rawthernewതിരുവനന്തപുരം : സംസ്ഥാന സര്‍ക്കാരിന്റെ കീഴില്‍ രൂപീകരിച്ച കേരള പൈനാപ്പിള്‍ മിഷന്റെ ഡയറക്ടറായി പ്രമുഖ വ്യവസായി ഇസ്മായില്‍ റാവൂത്തറിനെ നിയമിച്ചു. 2013 ല്‍ സംസ്ഥാനത്തെ ഏറ്റവും മികച്ച പൈനാപ്പിള്‍ കര്‍ഷകനായി തിരഞ്ഞെടുക്കപ്പെട്ടിരുന്ന ഇസ്മായില്‍ റാവൂത്തറിനെ അന്താരാഷ്ട്ര വാണിജ്യ മേഖലയില്‍ നിന്നുള്ള പ്രതിനിധിയായാണ് പൈനാപ്പിള്‍ മിഷന്റെ ഡയറക്ടര്‍ ബോര്‍ഡില്‍ ഉള്‍പ്പെടുത്തിയത്.

സംസ്ഥാനത്തെ പൈനാപ്പിള്‍ കാര്‍ഷിക മേഖലയുടെ സമഗ്ര വികസനം മുന്‍നിര്‍ത്തിയാണ് ഈയിടെ പൈനാപ്പിള്‍ മിഷന് സര്‍ക്കാര്‍ രൂപം നല്‍കിയത്. ഭൂ സൂചിക പദവി ലഭ്യമായ വാഴക്കുളം പൈനാപ്പിളിന്റെ പ്രധാന കേന്ദ്രമായ വാഴക്കുളത്തിനു സമീപത്തുള്ള മുവാറ്റുപുഴ ആയവന സ്വദേശിയാണ് ഇസ്മായില്‍ റാവൂത്തര്‍. നിരവധി വിദേശ രാജ്യങ്ങളില്‍ വാണിജ്യ സ്ഥാപനങ്ങളുള്ള, ഫൈന്‍ ഫെയര്‍ ഗ്രൂപ്പിന്റെ മേധാവി കൂടിയാണ് ഇസ്മായില്‍ റാവൂത്തര്‍.

വാണിജ്യാടിസ്ഥാനത്തിലുള്ള ശാസ്ത്രീയമായ പൈനാപ്പിള്‍ കൃഷി വിപൂലികരിക്കുക, ആഭ്യന്തര വിപണിയിലെ പൈനാപ്പിളിന്റെ വില അസ്ഥിരത തടയുക, ജൈവ സാങ്കേതിക കൃഷി രീതികള്‍ കര്‍ഷകരില്‍ എത്തിക്കുക, പൈനാപ്പിള്‍ ഉപയോഗിച്ചുള്ള ഉല്‍പ്പന്നങ്ങള്‍ പ്രോല്‍സാഹിപ്പിക്കുക, പൈനാപ്പിളിനും അനുബന്ധ ഉല്‍പ്പന്നങ്ങള്‍ക്കും ആഗോള വിപണി കൂടുതല്‍ കണ്ടെത്തുകയും കയറ്റുമതി ശക്തമാക്കുകയും ചെയ്യുക, പൈനാപ്പിള്‍ കാര്‍ഷിക മേഖലക്ക് സംരക്ഷണം നല്‍കുക തുടങ്ങിയ ലക്ഷ്യങ്ങള്‍ മുന്‍നിര്‍ത്തിയാണ് മിഷന്‍ പ്രവര്‍ത്തിക്കുക.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day