|    Jan 25 Wed, 2017 6:55 am
FLASH NEWS

ഇറ്റാലിയന്‍ ലീഗ്: യുവന്റസിന് ജയം; മിലാന് തോല്‍വി

Published : 8th March 2016 | Posted By: SMR

റോം: ഇറ്റാലിയന്‍ ലീഗില്‍ നിലവിലെ ചാംപ്യന്‍മാരായ യുവന്റസ് മുന്നേറ്റം തുടര്‍ന്നപ്പോള്‍ മുന്‍ ജേതാക്കളായ എസി മിലാന് തോല്‍വി നേരിട്ടു. 28ാം റൗണ്ട് മല്‍സരത്തില്‍ യുവന്റസ് 2-0ന് അറ്റ്‌ലാന്റയെ പാരജയപ്പെടുത്തുകയായിരുന്നു. എവേ മല്‍സരത്തില്‍ സാസുവോലോയാണ് 2-0ന് മിലാനെ ഞെട്ടിച്ചത്.
മറ്റു മല്‍സരങ്ങളില്‍ മുന്‍ ചാംപ്യന്‍മാരായ ഇന്റര്‍മിലാന്‍ 3-1ന് പലെര്‍മോയെയും ഫിയൊറെന്റീന 2-0ന് ഉഡിനെസിനെയും ജിനോവ 1-0ന് എംപോളിയെയും തോല്‍പ്പിച്ചു. എവേ മല്‍സരത്തില്‍ ആന്ദ്രേ ബര്‍സാഗി, മരിയോ ലമിന എന്നിവരാണ് അറ്റ്‌ലാന്റയ്‌ക്കെതിരേ യുവന്റസിനു വേണ്ടി നിറയൊഴിച്ചത്.
എന്നാല്‍, ആല്‍ഫ്രെഡ് ഡന്‍ങ്കാന്‍, നികോള സന്‍സോനെ എന്നിവരുടെ ഗോളുകളാണ് മിലാനെതിരേ സാസുവോലയ്ക്ക് വിജയം സമ്മാനിച്ചത്. പലെര്‍മോയ്‌ക്കെതിരേ ഇന്ററിനു വേണ്ടി ആദം ലാജിക്, മൗറോ ഐക്കാര്‍ഡി, ഇവാന്‍ പെറിസിക് എന്നിവര്‍ സ്‌കോര്‍ ചെയ്തു. മൂന്നു പോയിന്റിന് നാപ്പോളിയെ പിന്നിലാക്കി യുവന്റസാണ് ലീഗില്‍ തലപ്പത്തുള്ളത്.

Share on FacebookShare on Google+Tweet about this on TwitterShare on LinkedIn
(Visited 60 times, 1 visits today)
                     
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക