|    Jun 21 Thu, 2018 2:01 pm
FLASH NEWS
Home   >  Todays Paper  >  page 11  >  

ഇറ്റാലിയന്‍ ഓപണ്‍ : പരിക്കിനെത്തുടര്‍ന്ന് ഷറപ്പോവ പിന്‍മാറി

Published : 18th May 2017 | Posted By: fsq

 

റോം: ഇറ്റാലിയന്‍ ഓപണ്‍ ടെന്നിസ് ടൂര്‍ണമെന്റില്‍ നിന്ന് മരിയ ഷറപ്പോവ പിന്‍മാറി. ആദ്യ മല്‍സരത്തില്‍ വിജയിച്ച ഷറപ്പോവ രണ്ടാം മല്‍സരത്തില്‍ മിര്‍ജാന ലൂക്കിക് ബരോണിയെ നേരിടുന്നതിനിടെയാണ്  പരിക്ക് പിടികൂടിയത്. ആദ്യ സെറ്റ് കൈവിട്ട ഷറപ്പോവ രണ്ടാം സെറ്റില്‍ 2-1 ന് ലീഡ് ചെയ്യവെ കാലിന് പരിക്കേല്‍ക്കുകയായിരുന്നു.ഉത്തേജക വിവാദത്തെത്തുടര്‍ന്ന് 15 മാസം വിലക്ക് നേരിടേണ്ടി വന്ന ഷറപ്പോവയുടെ വിലക്ക് ഈ വര്‍ഷം നീക്കിയിരുന്നു. മടങ്ങിവരവിന് ശേഷം ഷറപ്പോവ കളിക്കുന്ന മൂന്നാമത്തെ ടൂര്‍ണമെന്റായിരുന്നു ഇത്. അഞ്ച് തവണ ഗ്രാന്റ്സ്ലാം കിരീടം നേടിയ താരമായ മരിയ ഷറപ്പോവ നിലവിലെ റാങ്കിങ്ങില്‍ 211ാം സ്ഥാനത്താണ്.അതേ സമയം പരിക്ക് ഗുരുതരമല്ലെന്നും എത്രയും വേഗം ടെന്നിസ് കോര്‍ട്ടിലേക്ക് മടങ്ങിയെത്തുമെന്നും ഷറപ്പോവ ട്വിറ്ററിലൂടെ അറിയിച്ചു.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss