|    Nov 15 Thu, 2018 5:17 am
FLASH NEWS

ഇരിട്ടി പാലത്തില്‍ പിക്കപ്പ് കുടുങ്ങി; ഗതാഗതം തടസ്സപ്പെട്ടു

Published : 21st July 2018 | Posted By: kasim kzm

ഇരിട്ടി: സിമന്റ് കട്ടകളുമായി വരികയായിരുന്ന പിക്കപ്പ് ജീപ്പ് ഇരിട്ടി പാലത്തില്‍ കുടുങ്ങി ഒരുമണിക്കൂറോളം ഇരുഭാഗത്തേക്കുമുള്ള ഗതാഗതം തടസ്സപ്പെട്ടു. ഇന്നലെ രാവിലെ ഒമ്പതോടെയാണ് സംഭവം. നിറയെ സിമന്റ് കട്ടകളും കയറ്റി ഇരിട്ടി ടൗണ്‍ ഭാഗത്തേക്ക് വരികയായിരുന്ന പിക്കപ്പിന്റെ ആക്‌സില്‍ ഒടിഞ്ഞതാണ് പ്രശ്‌നത്തിനു കാരണം. മുന്നോട്ടും പിന്നോട്ടും എടുക്കാനാവാതെ വാഹനം പാലത്തിന്റെ മധ്യഭാഗത്തായി. ഇതോടെ ഇരുഭാഗങ്ങളിലും വാഹനങ്ങളുടെ നീണ്ട നിര രൂപപ്പെട്ടു.
വിദ്യാഭ്യാസ സ്ഥാപനങ്ങള്‍ക്ക് അവധി ആയതിനാല്‍ വിദ്യാര്‍ഥികളുടെ തിരക്ക് ഇല്ലാതിരുന്നതും കുറേ പ്രശ്‌നങ്ങള്‍ ഒഴിവാക്കാനായി. ഹോം ഗാര്‍ഡുകളും നാട്ടുകാരും ചേര്‍ന്ന് ചെറിയ വാഹനങ്ങളെ നിയന്തിച്ച് പാലത്തിലുണ്ടായിരുന്ന ചെറിയ ഇടത്തിലൂടെ കടത്തിവിട്ടു. ഇതിനിടയില്‍ മറ്റൊരു പിക്കപ്പ് ജീപ്പെത്തിച്ച് തകരാറായ വാഹനത്തിലെ സിമന്റ് കട്ടകള്‍ അതിലേക്ക് മാറ്റി. തകരാറായ വണ്ടിയെ വലിച്ചുനീക്കാന്‍ ക്രെയിന്‍ എത്തിച്ചെങ്കിലും അതും തകരാറായി.
തുടര്‍ന്ന് നാട്ടുകാരും ടൗണിലെ ഡ്രൈവര്‍മാരും മറ്റും ചേര്‍ന്ന് പിക്കപ്പ് ജീപ്പ് പാലത്തില്‍നിന്ന് തള്ളിമാറ്റി പുറത്തെത്തിക്കുകയായിരുന്നു. ഇത്രയും പ്രശ്‌നങ്ങളുണ്ടായിട്ടും വിളിപ്പാടകലെയുള്ള സ്റ്റേഷനില്‍നിന്ന് പോലിസെത്താന്‍ 40 മിനിട്ടോളമെടുത്തു. നാട്ടുകാരും ടൗണിലെ ഡ്രൈവര്‍മാരുമായിരുന്നു ഈ സമയം വരെ വാഹനങ്ങളെ നിയന്ത്രിക്കാന്‍ ഉണ്ടായിരുന്നത്.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss