|    Nov 19 Mon, 2018 7:06 pm
FLASH NEWS
Home   >  Todays Paper  >  Page 4  >  

ഇമാമിനു നേരെ ആക്രമണം; കേസെടുത്തു

Published : 26th July 2018 | Posted By: kasim kzm

വള്ളികുന്നം: പള്ളി ഇമാമിനെയും പിതാവിനെയും സിപിഎം സംഘം ആക്രമിച്ച സംഭവത്തില്‍ വള്ളികുന്നം പോലിസ് കേസെടുത്തു. താമരക്കുളം കണ്ണനാംകുഴി പുന്നത്തറയില്‍ ഹമീദ് (73), മകന്‍ കാഞ്ഞിരപ്പള്ളി ജുമാമസ്ജിദ് ചീഫ് ഇമാം അബ്ദുല്‍ സലാം മൗലവി (38) എന്നിവരെയാണു കഴിഞ്ഞ ദിവസം പ്രദേശത്തെ സിപിഎം നേതാക്കളുടെ നേതൃത്വത്തില്‍ മര്‍ദിച്ചത്. സിപിഎം നേതാക്കളായ ജെ പി സദനത്തില്‍ ജനാര്‍ദനന്‍പിള്ള, ചക്കാലക്കല്‍ തറയില്‍ സുകുമാരന്‍, കിഴക്കതെക്കതില്‍ ശിവരാമന്‍, കൊച്ചു മീനത്തതില്‍ സജി, ചക്കാലക്കല്‍ തറയില്‍ മനോജ്, കൊച്ചു മീനത്തതില്‍ വിജയന്‍, ഞാനാശ്ശേരിയില്‍ അബ്ദുല്‍ ലത്തീഫ്, ശശി എന്നിവര്‍ക്കെതിരേയാണു കേസെടുത്തത്. സിപിഎം നേതാക്കളെ പ്രതിചേര്‍ക്കുന്നതിനെതിരേ പോലിസിനു മേല്‍ ശക്തമായ സമ്മര്‍ദമുണ്ടായെങ്കിലും മതപണ്ഡിതന്‍ ആക്രമിക്കപ്പെട്ട സംഭവമായതിനാല്‍ പോലിസ് രാവിലെ തന്നെ കായംകുളം ഗവ. ആശുപത്രിയിലെത്തി മൊഴി രേഖപ്പെടുത്തുകയും തുടര്‍ന്ന്, കേസെടുക്കുകയുമായിരുന്നു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss