|    Oct 20 Fri, 2017 7:22 am
Home   >  Todays Paper  >  page 7  >  

ഇപിഎഫ് നികുതി പിന്‍വലിക്കണം: രാഹുല്‍

Published : 4th March 2016 | Posted By: SMR

ന്യൂഡല്‍ഹി: എംപ്ലോയീസ് പ്രൊവിഡന്റ് ഫണ്ട് (ഇപിഎഫ്) തുക പിന്‍വലിക്കുന്നതിന് നികുതി ഈടാക്കണമെന്ന ബജറ്റ് നിര്‍ദേശം പിന്‍വലിക്കണമെന്ന് കോണ്‍ഗ്രസ് ഉപാധ്യക്ഷന്‍ രാഹുല്‍ ഗാന്ധി. പാര്‍ലമെന്റ് മന്ദിരത്തിന് പുറത്ത് വാര്‍ത്താലേഖരോട് സംസാരിക്കുകയായിരുന്നു അദ്ദേഹം. ഇപിഎഫ് ജീവനക്കാരുടെ സുരക്ഷിതവലയമാണ്. അതിന് നികുതി ചുമത്തുന്നത് തെറ്റാണ്. നികുതി പിന്‍വലിക്കാന്‍ പ്രധാനമന്ത്രിയോട് അഭ്യര്‍ഥിക്കുന്നു. ബജറ്റില്‍ കള്ളപ്പണം നേരിടുന്നതിന് പ്രഖ്യാപിച്ച ‘ഫെയര്‍ ആന്റ് ലൗലി’ പദ്ധതിയിലെ ഗുണഭോക്താക്കളായ കള്ളന്മാര്‍ക്കല്ല; ജീവനക്കാര്‍ക്കാണ് ആശ്വാസം നല്‍കേണ്ടത്. രാഹുല്‍ പറഞ്ഞു.
ബജറ്റ് പ്രഖ്യാപനം കള്ളപ്പണം വെളുപ്പിക്കാനുള്ള നീക്കമല്ലാതെ മറ്റൊന്നുമല്ല. ഇതുവഴി രാജ്യത്തെ കള്ളന് കള്ളപ്പണം വെളുപ്പിക്കാം. അഴിമതി നടത്തുന്ന ആര്‍ക്കും അയാള്‍ നേടുന്ന കള്ളപ്പണം സര്‍ക്കാര്‍ പദ്ധതി വഴി വെളുപ്പിക്കാമെന്നും അദ്ദേഹം പറഞ്ഞു.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക