|    Feb 23 Fri, 2018 6:06 am
FLASH NEWS
Home   >  Todays Paper  >  page 9  >  

ഇന്റലിജന്‍സ് കമ്മിറ്റിയുടെ രഹസ്യ മെമ്മോക്കെതിരേ എഫ്ബിഐയും ഡെമോക്രാറ്റുകളും

Published : 2nd February 2018 | Posted By: kasim kzm

വാഷിങ്ടണ്‍: റിപബ്ലിക്കരുടെ നേതൃത്വത്തിലുള്ള ഹൗസ് ഓഫ് ഇന്റലിജന്‍സ് കമ്മിറ്റിയുടെ രഹസ്യ മെമ്മോക്കെതിരേ എഫ്ബിഐയും ഡെമോക്രാറ്റുകളും രംഗത്തെത്തി. 2016ലെ പ്രസിഡന്റ് തിരഞ്ഞെടുപ്പ് പ്രചാരണ സമയത്ത് എഫ്ബിഐയും നീതിന്യായ വകുപ്പും രാഷ്ട്രീയ ലക്ഷ്യത്തോടെ അധികാര ദുരുപയോഗം നടത്തിയെന്നാണു രഹസ്യ മെമ്മോ ആരോപിക്കുന്നത്്. കമ്മിറ്റിയില്‍ വോട്ടിനിട്ട് പാസാക്കിയ പ്രമേയത്തില്‍ പിന്നീട് റിപബ്ലിക്കന്‍ പാര്‍ട്ടി അനാവശ്യ ഇടപെടല്‍ നടത്തിയതായി ഡെമോക്രാറ്റിക് പ്രതിനിധി ആഡം ഷിഫ് ആരോപിച്ചു. മെമ്മോയില്‍ നിന്നു പ്രധാന്യമര്‍ഹിക്കുന്ന വിവരങ്ങള്‍ ഒഴിവാക്കിയതില്‍ തങ്ങള്‍ ആശങ്കാകുലരാണെന്ന് എഫ്ബിഐയും അറിയിച്ചു. ഇത് മെമ്മോയുടെ വിശ്വാസ്യതയെ തന്നെ ബാധിക്കുമെന്നും എഫ്ബിഎ അഭിപ്രായപ്പെട്ടു.  ഹൗസ് ഓഫ് ഇന്റലിജന്‍സ് കമ്മിറ്റിയില്‍ പാസാക്കിയ റിപോര്‍ട്ട് പുറത്തിറക്കണമെങ്കില്‍ പ്രസിഡന്റ് ഡോണള്‍ഡ് ട്രംപിന്റെ അംഗീകാരം ലഭിക്കണം. മെമ്മോ വ്യാഴാഴ്ച പുറത്തുവിടുമെന്നാണ് വിവരം. എന്നാല്‍  പ്രമേയം പുറത്തിറക്കുന്നതിനു മുമ്പ് പുനപ്പരിശോധന നടത്തണമെന്നു ഡമോക്രാറ്റുകള്‍ ആവശ്യപ്പെട്ടു

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss