|    Jun 24 Sun, 2018 8:16 pm
FLASH NEWS

ഇന്നു കൊയ്യാനിരുന്ന നെല്‍പ്പാടം കത്തിനശിച്ചു

Published : 2nd February 2018 | Posted By: kasim kzm

പേരാമ്പ്ര: ഇന്നു കൊയ്യാനിരുന്ന നെല്‍വയല്‍ കത്തി നശിച്ചു. ചങ്ങരോത്ത് ഗ്രാമപ്പഞ്ചായത്ത് വാര്‍ഡ് പതിനഞ്ചില്‍പെട്ട കടിയങ്ങാട് കയ്യേലി പാലത്തിനു സമീപം വാര്യരു കണ്ടി പി സുനിയുടെ പാടമാണു കത്തിയത്. അര ഏക്കറോളം വയലുള്ളതില്‍ ഇരുപത് സെന്റോളം ഭാഗം പൂര്‍ണ്ണമായി കത്തി. ഇന്നലെ ഉച്ചക്കു ഒന്നരയോടെയാണു സംഭവം. പേരാമ്പ്ര ഫയര്‍ഫോഴ്‌സ് എത്തിയാണു തീയണച്ചത്. സമീപത്തെ കൊയ്ത്തു കഴിഞ്ഞ വയലില്‍ നിന്നു തീ പടര്‍ന്നതാണു സുനിയുടെ നെല്‍ വയലിനു തീ പിടിക്കാന്‍ കാരണമെന്നു പറയപ്പെടുന്നു. മറ്റുള്ളവരുടെ വയലില്‍ കൊയ്ത്ത് ദിവസങ്ങള്‍ക്കു മുമ്പേ കഴിഞ്ഞിരുന്നു. കൊയ്യാനാളെ കിട്ടാത്തതിനാല്‍ കൊയ്ത്ത് നീണ്ടുപോയതാണെന്നു സുനി പറഞ്ഞു.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss