|    Dec 16 Sun, 2018 11:35 am
FLASH NEWS
Home   >  Todays Paper  >  page 7  >  

ഇന്ധന വിലവര്‍ധന നേരിടേണ്ടത് ചെലവു ചുരുക്കി:ബിജെപി മന്ത്രി

Published : 11th September 2018 | Posted By: kasim kzm

ജയ്പൂര്‍: വര്‍ധിച്ചുവരുന്ന ഇന്ധനവിലയെ സംസ്ഥാനങ്ങള്‍ നേരിടേണ്ടത് ചെലവു ചുരുക്കിയിട്ടെന്നു രാജസ്ഥാന്‍ ബിജെപി മന്ത്രി. ഇന്ധന വിലവര്‍ധനയ്‌ക്കെതിരേയും രൂപയുടെ മൂല്യത്തകര്‍ച്ചയ്‌ക്കെതിരേയും രാജ്യമെങ്ങും പണിമുടക്ക് നടന്ന ദിവസത്തിലാണ് ചെലവ് ചുരുക്കി ജീവിക്കണമെന്ന വിചിത്ര ഉപദേശവുമായി മന്ത്രി രാജ്കുമാര്‍ റിന്‍വ രംഗത്തെത്തിയത്. ചുരു ജില്ലയിലെ എംഎല്‍എ ആയ റിന്‍വ തീര്‍ത്ഥാടന കേന്ദ്രങ്ങളുടെ ചുമതലയുള്ള സഹമന്ത്രിയാണ്. അന്താരാഷ്ട്ര വിപണിയില്‍ ക്രൂഡ് ഓയില്‍ വില വര്‍ധിക്കുന്നതിനാലാണ് ഇന്ധനവില വര്‍ധിക്കുന്നത്. അതിനാല്‍, സംസ്ഥാനങ്ങള്‍ തങ്ങളുടെ ചെലവുകള്‍ കുറയ്ക്കണം. അങ്ങനെയേ ഇന്ധന വിലവര്‍ധനയെ നേരിടാനാവൂ- മന്ത്രി പറഞ്ഞു. മന്ത്രിയുടെ പ്രസ്താവനയ്‌ക്കെതിരേ കോണ്‍ഗ്രസ് രംഗത്തെത്തി. ഇന്ധന വിലവര്‍ധന മൂലം സാധാരണക്കാര്‍ ബുദ്ധിമുട്ടുമ്പോഴാണ് ബിജെപി നേതാക്കള്‍ ധാര്‍ഷ്ഠ്യത്തോടെ പ്രതികരിക്കുന്നത്. ഇതിന്റെ ഉദാഹരണങ്ങളാണ് ഇത്തരം മന്ത്രിയുടെ പ്രസ്താവനയെന്നു കോണ്‍ഗ്രസ് നേതാവ് സചിന്‍ പൈലറ്റ് പറഞ്ഞു.

 

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss