|    Jul 21 Fri, 2017 8:21 am
Home   >  Todays Paper  >  page 11  >  

ഇന്ത്യ-ശ്രീലങ്ക രണ്ടാം ട്വന്റി ഇന്ന്; ഒപ്പമെത്താന്‍ ടീം ഇന്ത്യ റാഞ്ചിയിലേക്ക്

Published : 12th February 2016 | Posted By: SMR

റാഞ്ചി: ശ്രീലങ്കയ്‌ക്കെതിരായ ട്വന്റി പരമ്പരയില്‍ ഒപ്പമെത്തുകയെന്ന ലക്ഷ്യവുമായി ടീം ഇന്ത്യ ഇന്നു രണ്ടാം മല്‍സരത്തിനിറങ്ങും. പുതുമുഖങ്ങളുമായെത്തിയ ലങ്കന്‍ ടീമിനോട് ആദ്യ ട്വന്റിയില്‍ അഞ്ചു വിക്കറ്റിന്റെ ഞെട്ടിക്കുന്ന തോല്‍വിയാണ് ഇന്ത്യ ഏറ്റുവാങ്ങിയത്. ഈ പരാജയത്തോടെ ലോക ട്വന്റി റാങ്കിങില്‍ ഇന്ത്യക്ക് ഒന്നാംസ്ഥാനം നഷ്ടമാവുകയും ചെയ്തിരുന്നു.
പൂനെ വേദിയായ ആദ്യ ട്വന്റിയില്‍ അനാവശ്യ ഷോട്ടുകള്‍ക്കു ശ്രമിച്ച് ഇന്ത്യന്‍ ബാറ്റ്‌സ്മാ ന്‍മാര്‍ സ്വയം കുഴി തോണ്ടുകയായിരുന്നു. അന്നത്തെ തോല്‍വിയില്‍ നിന്നു പാഠമുള്‍ക്കൊണ്ടാവും ആതിഥേയര്‍ ഇന്നു ക്യാപ്റ്റന്‍ മഹേന്ദ്രസിങ് ധോണിയുടെ നാടു കൂടിയായ റാഞ്ചിയില്‍ പാഡണിയുക.
ഇന്നത്തെ മല്‍സരം ഇന്ത്യയെ സംബന്ധിച്ചിടത്തോളം നിര്‍ണായകമാണ്. മൂന്നു മല്‍സരങ്ങളുടെ പരമ്പര കൈവിടാതിരിക്കാന്‍ ഇന്ത്യക്ക് ഇന്നു ജയിച്ചേ തീരൂ. റാഞ്ചി ഇന്ത്യയെ സംബന്ധിച്ചിടത്തോളം ഭാഗ്യഗ്രൗണ്ട് കൂടിയാണ്. ഇവിടെ കളിച്ച മൂന്ന് ഏകദിന മല്‍സരങ്ങളിലും ധോണിപ്പട തോല്‍വിയറിഞ്ഞിട്ടില്ല. മാത്രമല്ല ഈ കളികളിലെല്ലാം 300ലേറെ റണ്‍സും സ്‌കോര്‍ ചെയ്യാന്‍ ടീമിനായിരുന്നു. കഴിഞ്ഞ മല്‍സരത്തിലെ ടീമില്‍ ഇന്ത്യ മാറ്റങ്ങളൊന്നും വരുത്താന്‍ സാധ്യതയില്ല.
അതേസമയം, പരീക്ഷണ ടീമുമായെത്തിയ ലങ്ക ആദ്യ കളിയിലെ അപ്രതീക്ഷിത വിജയം നല്‍കിയ ആത്മവിശ്വാസത്തിലാണ് ഇന്നിറങ്ങുന്നത്.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക