|    Mar 27 Mon, 2017 7:58 pm
Home   >  Sports  >  Cricket  >  

ഇന്ത്യാ-പാക് ക്രിക്കറ്റ് മല്‍സരം റദ്ദാക്കി; ബിസിസിഐക്കറിയില്ലെന്ന് ശശാങ്ക് മനോഹര്‍

Published : 14th December 2015 | Posted By: swapna en

india-pak

മുംബൈ: ഈ മാസം  നടക്കാനിരുന്ന ഇന്ത്യാ-പാക് ക്രിക്കറ്റ് പരമ്പര റദ്ദാക്കിയ വാര്‍ത്തയെക്കുറിച്ച് തനിക്കറിയില്ലെന്ന് ബിസിസിഐ ചീഫ് ശശാങ്ക് മനോഹര്‍. പിസിബി പറയുന്ന കത്തിനെക്കുറിച്ച് ബിസിസിഐക്കറിയില്ലെന്നും മനോഹര്‍ മെയില്‍ ടൂഡേയ്ക്കനുവദിച്ച അഭിമുഖത്തില്‍ പറഞ്ഞു.
ഇരു ടീമുകളും പങ്കെടുക്കുന്ന ഏകദിന, ട്വന്റി20 മത്സരങ്ങളെ സംബന്ധിച്ച് ഇന്ത്യ തീരുമാനം അറിയിക്കാത്തതില്‍ പ്രതിഷേധിച്ച് പരമ്പര ഉപേക്ഷിച്ചതായി പാകിസ്താന്‍ ക്രിക്കറ്റ് ബോര്‍ഡ് (പി.സി.ബി) ചെയര്‍മാന്‍ ഷഹരിയാര്‍ ഖാന്‍ അറിയിച്ചിരുന്നു. ഇതിന്റെ ഔദ്ദ്യോഗിക പ്രഖ്യാപനം ഇന്നുണ്ടാവുമെന്നും അദ്ദേഹം വ്യക്തമാക്കിയിരുന്നു.
പരമ്പര വിഷയത്തില്‍ രണ്ടുദിവസത്തിനകം തീരുമാനമെടുക്കണമെന്ന് കഴിഞ്ഞ വ്യാഴാഴ്ച ഷഹരിയാര്‍ ഖാന്‍ ബി.സി.സി.ഐക്ക് കത്തെഴുതിയിരുന്നു. നാലുദിവസമായിട്ടും ഇന്ത്യ തീരുമാനം അറിയിക്കാത്തതില്‍ പ്രതിഷേധിച്ചാണ്  തീരുമാനം. ഇന്ത്യയുടെ നിഷേധാത്മക നിലപാടിനെതിരെ ഐ.സി.സിയില്‍ പരാതിനല്‍കുമെന്നും അദ്ദേഹം പറഞ്ഞു. ഇന്ത്യയുമായി ക്രിക്കറ്റ് ബന്ധം പുതുക്കുന്നതിന് ഞങ്ങള്‍ ആത്മാര്‍ഥമായി പരിശ്രമിച്ചു.
വേദി യു.എ.ഇയിലേക്കോ ശ്രീലങ്കയിലേക്കോ മാറ്റണമെന്ന ബി.സി.സി.ഐയുടെ അഭ്യര്‍ഥനയും സ്വീകരിച്ചു.2016 മാര്‍ച്ചില്‍ നടക്കുന്ന ട്വിന്റി-20 ലോകകപ്പ് ബഹിഷ്‌കരിക്കുന്ന കാര്യവും പരിഗണനയിലുണ്ടെന്നും ഖാന്‍ പറഞ്ഞു.

thanur-inner                            
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day