|    Mar 25 Sat, 2017 3:35 am
FLASH NEWS

ഇന്ത്യയുമായി സമാധാന ചര്‍ച്ചക്ക് തയ്യാറെന്ന് പാകിസ്താന്‍

Published : 16th April 2016 | Posted By: SMR

ന്യൂഡല്‍ഹി: ഇന്ത്യയുമായി സമാധാന ചര്‍ച്ച നടത്താന്‍ എപ്പോഴും തയ്യാറാണെന്ന് പാകിസ്താന്‍. പാക് വിദേശകാര്യ വക്താവ് നഫീസ് സക്കറിയയാണ് ഇന്ത്യ-പാക് ചര്‍ച്ചകള്‍ മുന്നോട്ടു കൊണ്ടുപോവാനുള്ള രാജ്യത്തിന്റെ സന്നദ്ധത അറിയിച്ചത്. പത്താന്‍കോട്ട് ആക്രമണവുമായി ബന്ധപ്പെട്ട് ഇന്ത്യയുമായുള്ള ചര്‍ച്ച അവസാനിപ്പിക്കുകയാണെന്ന പാകിസ്താന്‍ ഹൈക്കമ്മീഷണര്‍ അബ്ദുല്‍ ബാസിതിന്റെ പ്രഖ്യാപനം നിലനില്‍ക്കെയാണ്, വിദേശകാര്യ വക്താവ് ചര്‍ച്ചകള്‍ക്കായുള്ള വഴിതുറന്നത്. ഏതു പ്രതികൂല സാഹചര്യത്തിലും ചര്‍ച്ചകള്‍ പുരോഗമിക്കണം. ബന്ധം എപ്പോഴും നിലനിര്‍ത്തുക തന്നെ വേണമെന്നും നഫീസ് പറഞ്ഞു.
ഇന്ത്യ-പാക് ചര്‍ച്ചകള്‍ ഇനി സാധ്യമാണോ എന്ന പാകിസ്താനിലെ ഒരു ആഴ്ച്ചപ്പതിപ്പിന്റെ ചോദ്യത്തിന് ചര്‍ച്ചകള്‍ ഏറ്റവും നല്ല മാര്‍ഗമാണെന്ന് നഫീസ് പ്രതികരിച്ചു.
പത്താന്‍കോട്ട് ആക്രമണവുമായി ബന്ധപ്പെട്ട് ഇന്ത്യ കൈമാറിയ വിവരങ്ങള്‍ പരിശോധിച്ചുവരുകയാണെന്നും നഫീസ് പറഞ്ഞു.

(Visited 43 times, 1 visits today)
thanur-inner                            
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക