|    May 22 Tue, 2018 2:19 am
Home   >  Todays Paper  >  page 9  >  

ഇന്ത്യയുടെയും ചൈനയുടെയും ശ്രമങ്ങളെ പ്രശംസിച്ച് ഗുത്തേറഷ്‌

Published : 14th January 2018 | Posted By: kasim kzm

കെയ്‌റോ: കാലാവസ്ഥാ വ്യതിയാനത്തിനെതിരായ പ്രവര്‍ത്തനങ്ങളില്‍ ഇന്ത്യയുടെയും ചൈനയുടെയും പ്രതിബദ്ധതയെയും നേതൃപരമായ പങ്കിനെയും പ്രശംസിച്ച് യുഎന്‍ സെക്രട്ടറി ജനറല്‍ അന്തോണിയോ ഗുത്തേറഷ്.
ലോകത്തെ സാമ്പത്തിക ശക്തികളില്‍ ജി77 അംഗങ്ങളായ രണ്ടു രാജ്യങ്ങള്‍ കാലാവസ്ഥാ വ്യതിയാനത്തിനെതിരായ പ്രവര്‍ത്തനങ്ങളില്‍ ശക്തമായ പ്രതിബദ്ധത കാണിക്കുന്നുണ്ട്. ഇന്ത്യയും ചൈനയുമാണത്- അദ്ദേഹം പറഞ്ഞു. ജി77 കൂട്ടായ്മയുടെ നേതൃത്വം ചൈന, ഇക്വഡോര്‍ എന്നീ രാജ്യങ്ങളില്‍ നിന്ന് ഈജിപ്ത് ഏറ്റെടുക്കുന്ന ചടങ്ങില്‍ സംസാരിക്കുകയായിരുന്നു അദ്ദേഹം.
കാലാവസ്ഥാ വ്യതിയാനത്തിന്റെ ഏറ്റവും വലിയ ഇരകളാവുന്നത് ജി77 അംഗങ്ങളായ ആഫ്രിക്കന്‍ രാജ്യങ്ങളാണ്.
സഖ്യരാജ്യങ്ങളും ചൈനയും കാലാവസ്ഥാ വ്യതിയാനത്തിനെതിരായ പ്രവര്‍ത്തനങ്ങളുടെ നേതൃത്വം ഏറ്റെടുത്താല്‍ വിനാശകരമായ ദുരന്തങ്ങള്‍ നാം അനുഭവിക്കേണ്ടിവരില്ല. നിര്‍ഭാഗ്യവശാല്‍ നാം ഇപ്പോള്‍ അതിന്റെ പാര്‍ശ്വഫലങ്ങള്‍ അനുഭവിച്ചു കൊണ്ടിരിക്കുകയാണെന്നും അദ്ദേഹം പറഞ്ഞു.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss