|    Oct 16 Tue, 2018 5:26 pm
FLASH NEWS
Home   >  Todays Paper  >  Page 1  >  

ഇന്ത്യന്‍ സൈനികനെ കഴുത്തറുത്ത് കൊന്നു

Published : 20th September 2018 | Posted By: kasim kzm

ജമ്മു: അന്താരാഷ്ട്ര അതിര്‍ത്തിക്ക് സമീപം പാക് സൈനികര്‍ ബിഎസ്എഫ് ജവാനെ വെടിവച്ചുകൊന്നശേഷം കഴുത്തറുത്തതായി റിപോര്‍ട്ട്. കണ്ണുകള്‍ രണ്ടും ചൂഴ്‌ന്നെടുത്ത നിലയിലാണ് മൃതദേഹം കണ്ടെത്തിയത്. രാംഗാര്‍ഹ് പ്രവിശ്യയില്‍ ചൊവ്വാഴ്ചയാണ് സംഭവം. ഇന്ത്യ-പാക് ബന്ധം കൂടുതല്‍ പ്രതിസന്ധിയിലാക്കുന്നതാണ് നടപടി. ഹെഡ്‌കോണ്‍സ്റ്റബിള്‍ നരേന്ദര്‍ കുമാറാണ് കൊല്ലപ്പെട്ടത്. മൃതദേഹത്തില്‍ മൂന്ന് വെടിയുണ്ടകള്‍ തറച്ച പാടുമുണ്ട്. സംഭവമറിഞ്ഞ് ആറു മണിക്കൂറിനുശേഷവും പാകിസ്താന്‍ ഇതിനോട് പ്രതികരിച്ചിട്ടില്ല. അന്താരാഷ്ട്ര അതിര്‍ത്തിയില്‍ നടന്ന ക്രൂരതയെ ഗൗരവമായാണു കാണുന്നതെന്ന് വിദേശകാര്യ മന്ത്രാലയത്തെ ഉദ്ധരിച്ച് മിലിറ്ററി ഓപറേഷനല്‍ ഡയറക്ടര്‍ ജനറല്‍ അറിയിച്ചു. അതിര്‍ത്തിക്കു സമീപത്തെ കാട് വെട്ടിത്തെളിക്കാന്‍ എത്തിയ ബിഎസ്എഫ് സംഘത്തിനു നേരെ ചൊവ്വാഴ്ച രാവിലെ പത്തേമുക്കാലോടെ വെടിവയ്പ് നടന്നിരുന്നു. ഇതേത്തുടര്‍ന്നാണ് നരേന്ദര്‍ കുമാറിനെ കാണാതായത്.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss