|    Oct 22 Mon, 2018 11:05 am
FLASH NEWS
Home   >  Todays Paper  >  Page 1  >  

ഇന്ത്യന്‍ വ്യോമമേഖലയില്‍ പാക് കോപ്റ്റര്‍

Published : 1st October 2018 | Posted By: kasim kzm

ശ്രീനഗര്‍: ജമ്മു-കശ്മീരിലെ പൂഞ്ചില്‍ ഇന്ത്യന്‍ വ്യോമമേഖലയിലേക്ക് പാകിസ്താന്‍ ഹെലികോപ്റ്റര്‍ അതിക്രമിച്ചുകടന്നു. കോപ്റ്റര്‍ വെടിവെച്ചിടാന്‍ ഇന്ത്യന്‍ സൈന്യം ശ്രമിച്ചെങ്കിലും വിജയിച്ചില്ലെന്ന് മാധ്യമങ്ങള്‍ റിപോര്‍ട്ട് ചെയ്തു. ഇന്ത്യയും പാകിസ്താനും അംഗീകരിച്ച ചട്ടങ്ങള്‍ പ്രകാരം നിയന്ത്രണരേഖയില്‍ നിന്ന് ഒരു കിലോമീറ്റര്‍ അകലെ വരെയാണ് കോപ്റ്ററുകള്‍ക്ക് പറക്കാനുള്ള പരിധി. എന്നാല്‍, ഈ പരിധിയും ലംഘിച്ച് നിയന്ത്രണരേഖ മുറിച്ചുകടന്ന് പാക് കോപ്റ്റര്‍ പൂഞ്ച് മേഖലയില്‍ എത്തുകയായിരുന്നു. കോപ്റ്റര്‍ പൂഞ്ചിലെ കുന്നിന്‍ പ്രദേശത്തിനു മുകളിലൂടെ പറക്കുന്നതിന്റെ വീഡിയോ ദൃശ്യങ്ങളും പുറത്തുവന്നിട്ടുണ്ട്. ഇന്നലെ ഉച്ചയ്ക്ക് 12.13നാണ് ഹെലികോപ്റ്റര്‍ ദൃശ്യങ്ങളില്‍ പതിഞ്ഞത്. അധികം വൈകാതെ ഈ ഹെലികോപ്റ്റര്‍ തിരിച്ചുപോവുകയും ചെയ്തു. വെടിവച്ചിടാന്‍ ശ്രമിച്ചപ്പോഴാണ് കോപ്റ്റര്‍ തിരിച്ചുപോയത്. ഹെലികോപ്റ്റര്‍ അതിര്‍ത്തി ലംഘിച്ചത് മനഃപൂര്‍വമാണോ എന്ന കാര്യം സ്ഥിരീകരിച്ചിട്ടില്ല. ഫെബ്രുവരിയില്‍ പാക് ഹെലികോപ്റ്റര്‍ അതിര്‍ത്തി നിയന്ത്രണരേഖ ഭേദിച്ച് 300 മീറ്ററോളം ദൂരം പറന്നിരുന്നു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss