|    Jul 17 Tue, 2018 9:51 am
FLASH NEWS
Home   >  Todays Paper  >  page 11  >  

ഇന്ത്യന്‍ നായകന്‍ സുനില്‍ ഛേത്രിക്ക് പ്രണയസാഫല്യം

Published : 9th November 2017 | Posted By: fsq

 

കൊല്‍ക്കത്ത: ഇന്ത്യന്‍ ഫുട്‌ബോള്‍ ടീം ക്യാപ്റ്റന്‍ സുനില്‍ഛേത്രിക്ക് പ്രണയസാഫല്യം. മുന്‍ ഇന്ത്യന്‍ ഫുട്‌ബോള്‍ താരവും മോഹന്‍ ബഗാന്‍ ഇതിഹാസവുമായ സുബ്രതാ ഭട്ടാചാര്യയുടെ മകള്‍ സോനം ഭട്ടാചാര്യയെയാണ് ആറു വര്‍ഷത്തെ പ്രണയത്തിനൊടുവില്‍ താരം മിന്നു കെട്ടാനൊരുങ്ങുന്നത്. അടുത്ത മാസം നാലിന് കൊല്‍ക്കത്തയിലായിരിക്കും വിവാഹചടങ്ങുകള്‍ നടക്കുക.കഴിഞ്ഞ ഫെബ്രുവരിയില്‍ വിവാഹം ഉണ്ടാവുമെന്നു കഴിഞ്ഞ വര്‍ഷം തന്നെ സുനില്‍ഛേത്രി പ്രഖ്യാപിച്ചിരുന്നു. കഴിഞ്ഞ വര്‍ഷം കൊല്‍ക്കത്തയിലെത്തി സുബ്രതാഭട്ടാചാര്യയുമായി സംസാരിച്ച ശേഷമായിരുന്നു ഛേത്രി വിവാഹവിവരം അറിയിച്ചത്. എന്നാല്‍ മല്‍സരങ്ങളുടെ ആധിക്യം മൂലം വിവാഹം നീണ്ടു പോവുകയായിരുന്നു. ഐഎസ്എല്‍ ഫിക്‌സചറുകളുടെ തിരക്കിനിടയില്‍ തന്നെയായിരിക്കും താരത്തിന്റെ വിവാഹവും സല്‍ക്കാരചടങ്ങുകളും നടക്കുന്നത്. 2005 മുതല്‍ ഇന്ത്യക്കായി ബൂട്ട് കെട്ടുന്ന താരം 55 കളികളില്‍ നിന്നായി 96 ഗോളുകളും നേടിയിട്ടുണ്ട്.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss