|    Nov 21 Wed, 2018 3:40 am
FLASH NEWS
Home   >  Pravasi  >  Gulf  >  

ഇന്ത്യന്‍ അംബാസഡര്‍ ഹഫര്‍ സന്ദര്‍ശിച്ചു

Published : 29th October 2017 | Posted By: mi.ptk

ഹഫര്‍ സന്ദര്‍ശിച്ച ഇന്ത്യന്‍ അംബാസഡര്‍ അഹ്മദ് ജാവേദിന് ഹഫറില്‍ സ്വീകരണം നല്‍കിയപ്പോള്‍

ഹഫര്‍ അല്‍ ബാത്തിന്‍ : ഇന്ത്യന്‍ അംബാസഡര്‍  അഹ്മദ് ജാവേദ് ഹഫര്‍ സന്ദര്‍ശിച്ചു. ഭാര്യ ശബ്‌നം ജാവേദും വെല്‍ഫെയര്‍ കോണ്‍സുലര്‍ അനില്‍ നോട്ടിയാലും കൂടെയുണ്ടായിരുന്നു.ഹഫറിന്റെ ചരിത്രത്തില്‍ ആദ്യമായാണ് ഒരു ഇന്ത്യന്‍ അംബാസഡര്‍ ഹഫര്‍ സന്ദര്‍ശിക്കുന്നത് . കെ.എം.സി.സി , പ്രവാസി സാംസ്‌കാരിക വേദി ,ഇന്ത്യന്‍ ഫ്രറ്റേണിറ്റി ഫോറം , നവോദയ , ജാലിയാത്ത്, തമിള്‍ കൂട്ടായ്മ, തുടങ്ങി ഹഫറിലെ വിവിധ സാംസ്‌കാരിക കൂട്ടായ്മകള്‍ യോജിച്ച് ഹഫര്‍ ഇന്ത്യന്‍ കമ്മ്യൂണി എന്ന ബാനറില്‍ അദ്ദേഹത്തിന് ഉഷ്മള സ്വീകരണം നല്‍കി . റമാദ ഹോട്ടലില്‍ വെച്ചു നടന്ന സ്വീകരണത്തിന് ശേഷം വിവിധ കൂട്ടായ്മകളിലെ തെരെഞ്ഞെടുക്കപ്പെട്ട അമ്പതോളം പ്രധിനിധികളെ അദ്ദേഹം അഭിസംബോധനം ചെയ്തു . ഫെയ്ക് ന്യൂസുകകളെ അവലംബിക്കാതെ എംബസി ന്യൂസ സ്രോതസുകളെ അവലംബിക്കാന്‍ അദ്ദേഹം നിര്‍ദ്ദേശിച്ചു. സൗദിയിലെ സാഹചര്യത്തെ കുറിച്ചും പ്രവാസികള്‍ സ്വീകരിക്കേണ്ട വിവിധ നിയമ വിഷയങ്ങളേ കുറിച്ചും സദസ്സിനെ ഉണര്‍ത്തിയതോടൊപ്പം അംഗങ്ങളുടെ വിവിധ ചോദ്യങ്ങള്‍ക്ക് മറുപടിയും നല്‍കി . ഹഫറിലെ പ്രവാസികളുടെ വിവിധ ആവശ്യങ്ങള്‍ ഉന്നയിച്ചുകൊണ്ടുള്ള മെമ്മോറാണ്ടം അദ്ദേഹത്തിന് സമര്‍പ്പിച്ചു . അംബാസഡര്‍ക്ക് നല്‍കിയ ഉഷ്മള സ്വീകരണത്തിന് വെല്‍ഫെയര്‍ കോണ്‍സുലര്‍ അനില്‍ നോട്ടിയാല്‍ സദസ്സിന് നന്ദി രേഖപ്പെടുത്തി .

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss