|    Oct 20 Fri, 2017 7:07 am
Home   >  Todays Paper  >  page 9  >  

ഇന്തോനീസ്യ: കാട്ടുതീയില്‍ ആറ് പര്‍വതാരോഹകര്‍ മരിച്ചു

Published : 20th October 2015 | Posted By: swapna en

ജക്കാര്‍ത്ത: ഇന്തോനീസ്യയിലെ ജാവ ദ്വീപിലെ ലാവു മലയിലുണ്ടായ കാട്ടുതീയില്‍ ആറു പര്‍വതാരോഹകര്‍ കൊല്ലപ്പെട്ടു. സംഘം തുറസ്സായ സ്ഥലത്തു കൂട്ടിയ തീ നിയന്ത്രിക്കാനാവാതെ വരുകയും വരണ്ട കാലാവസ്ഥയില്‍ തീ അതിവേഗം പടരുകയുമായിരുന്നുവെന്ന് അധികൃതര്‍ സംശയിക്കുന്നു. ശനിയാഴ്ചയായിരുന്നു സംഭവം. സംഭവത്തില്‍ മൂന്നു പേര്‍ക്ക് ഗുരുതര പൊള്ളലേറ്റു. മരിച്ചവരെയും പരിക്കേറ്റവരെയും താഴേക്കെത്തിച്ചതായി അധികൃതര്‍ അറിയിച്ചു. സുമാത്ര, കലിമന്താന്‍ മേഖലയില്‍ അനധികൃത കാട്ടുതീ പതിവാണ്. വരണ്ട കാലാവസ്ഥയില്‍ തീപ്പിടിത്തം പതിവായതോടെ നേരത്തേ തന്നെ ഇവിടം അടച്ചിരുന്നുവെന്നു അധികൃതര്‍ അറിയിച്ചു. അപകടത്തില്‍പ്പെട്ട പര്‍വതാരോഹകര്‍ അനധികൃത പാതയിലൂടെയാണ് മലമുകളില്‍ എത്തിയതെന്നു സംശയിക്കുന്നതായി അധികൃതര്‍ വ്യക്തമാക്കി.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക