|    Aug 17 Fri, 2018 9:29 am
Home   >  News now   >  

ഇന്തോനീസ്യന്‍ ഓപണ്‍: സിന്ധുവും പ്രണോയിയും പുറത്ത്

Published : 6th July 2018 | Posted By: vishnu vis

ക്വാലാലംപൂര്‍: ഇന്തോനേസ്യന്‍ ഓപണില്‍ ഇന്ത്യന്‍ പ്രതീക്ഷകളായ പി വി സിന്ധുവും എച്ച് എസ് പ്രണോയും ക്വാര്‍ട്ടറില്‍ പുറത്ത്. ഇതോടെ ഇന്ത്യന്‍ പ്രതീക്ഷകള്‍ അസ്തമിച്ചു. നിലവിലെ ഒളിംപിക് സില്‍വര്‍ മെഡലിസ്റ്റും ലോക മൂന്നാം നമ്പര്‍ താരവുമായ സിന്ധു ലോക ഏഴാം നമ്പര്‍ താരം ചൈനയുടെ ഹി ബിങ്ജിയാവോയോടാണ് നേരിട്ടുള്ള സെറ്റുകള്‍ക്ക് അട്ടിമറി നേരിട്ടത്. സ്‌കോര്‍ 14-21,15-21. ലോക ഒന്നാം നമ്പര്‍ താരം തായ് സു യിങിനെയാണ് ഹി ബിങ്ജിയാവോ എതിരിടുക. മറ്റൊരു സെമിയില്‍ ചൈനയുടെ ചെന്‍ യുഫെയും കൊറിയയുടെ സണ്‍ ജി ഹ്യുന്നും തമ്മില്‍ മാറ്റുരയ്ക്കും. എന്നാല്‍ പുരുഷ സിംഗിള്‍സില്‍ ലോക മൂന്നാം നമ്പര്‍ താരം ചൈനയുടെ ഷി യുക്കിയോടാണ് 14ാം നമ്പര്‍ താരമായ പ്രണോയ്  മികച്ച പോരാട്ടത്തിനൊടുവില്‍ പരാജയപ്പെട്ടത്. സ്‌കോര്‍ 21-17,21-18.  സെമിയില്‍ ലോക ഒന്നാം നമ്പര്‍ താരം വിക്ടര്‍ അക്‌സല്‍സനെയാണ് ഷി യുക്കി നേരിടുക. മറ്റൊരു സെമിയില്‍ കെന്റോ മോമോട്ടയും മുന്‍ ലോക ഒന്നാം നമ്പര്‍ താരം ലീ ചോങ് വെയും തമ്മില്‍ ഏറ്റുമുട്ടും.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss