|    Nov 25 Sat, 2017 1:17 pm
FLASH NEWS

ഇതര സംസ്ഥാന തൊഴിലാളികളുടെ താമസ സ്ഥലത്ത് കഞ്ചാവ് ചെടികള്‍ കണ്ടെത്തി

Published : 2nd June 2017 | Posted By: fsq

 

പുത്തനത്താണി: വളാഞ്ചേരി കാവും പുറത്ത് അന്യസംസ്ഥാന തൊഴിലാളികള്‍  തിങ്ങിപ്പാര്‍ക്കുന്ന ക്വാര്‍ട്ടേഴ്‌സിനു സമീപത്തു നിന്നും കഞ്ചാവ് ചെടികള്‍ കണ്ടെത്തി. രണ്ട് മാസത്തോളം വളര്‍ച്ചയെത്തിയ  വീര്യം കൂടിയ നീലച്ചടയന്‍ വിഭാഗത്തില്‍ പ്പെടുന്ന ആറോളം കഞ്ചാവ് ചെടികളാണ് കുറ്റിപ്പുറം എക്‌സൈസ് സംഘം ഇന്നലെ കണ്ടെടുത്തത്. വളാഞ്ചേരിയിലും പരിസര പ്രദേശങ്ങളില്‍ നിന്നും അടുത്തിടെ നിരവധി പേരെ കഞ്ചാവുമായി   എക്‌സൈസ് പിടികൂടിയിരുന്നു.ചെടികള്‍ നട്ടുവളര്‍ത്തിയതെന്നു സംശയിക്കുന്ന അന്യസംസ്ഥാന തൊഴിലാളികളെ കുറിച്ച് സൂചന ലഭിച്ചതായും ഇവരെ കുറിച്ച്  അന്വേഷിച്ചുവരികയാണെന്നും കുറ്റിപ്പുറം എക്‌സൈസ് ഇന്‍സ്‌പെക്ടര്‍ പി എല്‍  ബിനുകുമാര്‍ പറഞ്ഞു. പ്രിവന്റീവ് ഓഫീസര്‍ രാജേഷ്, സിവില്‍ എക്‌സൈസ് ഓഫീസര്‍മാരായ രാജീവ് കുമാര്‍, ഹംസ, ഗണേഷന്‍, ഐശ്വര്യ എന്നിവരും എക്‌സൈസ് സംഘത്തിലുണ്ടായിരുന്നു.

വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക